Lospalos RCL VP 23/10/2023 = Asosiasaun Eis Prizioneiru Politika (ASSEPPOL) Munisípiu Lautém , Segunda Feira ne`e Realiza Primeiru Mini Konferénsia , iha Sentru Kultura Lospalos , Munisípiu Lautém ho Tema Hamutuk iha ASSEPPOL Munisípiu Lautém ita Defende Dignidade Húmana , hodi Garante Sosiedáde ida Livre no Laiha Dadúr Politika.
Diretór Ejékutívu ASSEPPOL Nasional Martinho Rodrigues Pereira ba Jornalista RCL iha Sentru Kultura Lospalos , Munisípiu Lautém hateten , Objétivu husi Minis Konferénsia ida ne`e , Oinsa atu Estábelese Strutura ASSEPPOL Iha Munisípiu sira , hodi hatene Eis Prizionéiru Politika tempu Okupasaun Indonesia , no luta ba Defende Direitu Eis Prizioneiru sira iha nivél Munsípál iha Munisípiu Lautém.
Nia mós afirma , liu husi Mini Konferénsia Primeiru ida ne`e , atu bele hili Reprejentante Eis Prizionéiru Na`in Lima iha Munisípiu Lautém , hodi Partisipa iha Kongrésu Nasional hodi défini Statutu Nasional .
‘’Objétivu husi 1º Mini Konferénsia ASSEPPOL Iha Munisípiu Lautém , atu Estábelese Estrutura Munisípál nian , no bele Hili Reprézentante Eis Prizioneiru Na`in 5 , hodi Partisipa Konférensia Nasional , Alende ne`e mós liu husi Konferénsia ida ne`e mós hanesan Fortalesementu Institusional ne`ebe Programadu no Apoia husi Governu liu husi Servisu Apiou Sociedade Civil Auditòriu Social (SASCAS) , Strutúra ne`ebe sei Estábelese ne`e oinsa bele Luta ba Direitu no Defende Dignidade Húmana , hodi Garante Sosiedáde ida Livre no Laiha Dadúr Politika, tamba Dadús Eis Prizioneiru iha tempu Indonésia iha Nivél Munisípal , to`o agora ita sida`uk hatene , nune`e ho Estrutura ne`ebe sei Monta ne`e bele Identifika no hatene Eis Prizionéiru Politika tempu Okupasaun Indonesia tamba , Dadus Dadúr iha Nasional , liu-liu iha Munisípiu Dili ita iha Ona ne`e duni Reprejentante Na`in 5 ne`ebe sei hili ne`e nia Servisu ba ida ne`e hotu , atu nune`e bele Submete ba Parte ne`ebe relevante Hanesan CCLN Nasional , no Ministériu Relevante sira.’’ Dehan Diretór Ejékutívu ASSEPPOL Nasional Martinho Rodrigues Pereira ba Jornalista RCL iha Sentru Kultura Lospalos , Munisípiu Lautém Segunda 23/10/2023.
Iha Fatin Hanesan Konfrésista ida husi Suku Bauro, Agustu da Silva sente Orguilhu ho Mini Konferénsia ASSEPPOL Primeiru iha Munisípiu Lautém , tamba bele Estábelese Estrutúra iha nivél Munisípál nian , nune`e Estrutúra ne`ebe Hili sei Luta ba Diréitu Eis Prizionéiru Politika sira iha Munisípiu Lautém ba Oin , tamba Sira mós Hola parte iha Prosesu Luta ba Rai ida ne`e.
‘’Hau sente Orguillu ho ho Mini Konferénsia ASSEPPOL Primeiru iha Munisípiu Lautém , tamba liu husi ida ne`e , bele Estábelese Strutura ASSEPPOL nian , no bele hili nia reprezentante sira hodi bele luta ba Diréitu Eis Prizionéiru Politika sira iha Munisípiu Lautém ba Oin , tamba Iha tempu Indonésia Ami sira ne`ebe sai Dadúr ne`e hanesan Dadúr Politika nian , no Sira mós Hola parte iha Prosesu Luta ba Rai ida ne`e.’’ Hateten Nia.
Entrétantu; Primeiru Mini Konférensia ASSEPPOL ne`e sei la`o durante Loron Rua , Husi Loron Rua nolu Resin Tolu to`o Rua nolu resin Hát Fulan Outubru , Rihun Rua , Rua nolu resin Tolu (23-24 / 10 / 2023) , no hetan Partisipasaun husi Eis Prizioneiru sira husi Postu Administrativu Ne`en Iha Munisípiu Lautém , ne`ebe mós sai hanesan Konfrésista durante loron Rua.
Jornalista ; SIDA
Editor ; NP
