Lospalos = RCL VP 23/10/2023 = Sekretária , Estadu Arté no Kultura (SEAK) liu husi Departamentu Arté Kultura Trádisional , Segunda féira ne`e , hala`o Abertura ba Formasaun , Toka Violinu nian ba Labarik Minoridade sira , iha Edifisiu Seksaun Kultura Munisípiu Lautém.
Xéfe Departamentu Arté Kultura Tradisional husi Sekretária Estadu Arté no Kultura Yohanes Berre Bria, ba Jornalista RCL hateten , Objétivu husi Formasaun Toka Violinu ne`e , oinsa atu hasa`e Koñesementu Labarik ho idade Minór , atu bele hatene oinsa bele Toka Violinu , tamba liu husi ida ne`e Formadór sira Fahe Téoria kona ba Toka Violinu nian , nune`e ba Futuru sira bele Hasa`e diak liu tán talentu Joven no Foin Sa`e sira nian iha Aréa Muzika Koremetan nian.
‘’Hau Sente Muzika Koremetan ne`ebe ita rona Kapás no Furak ne`e Uja Fasilidade Muzika , ne`ebe hanaran Violinu , nune`e Ami mai iha ne`e atu Transfórma Labarik sira , liu-liu Foin Sa`e sira ne`ebe ho Idade Minór iha Munisípiu ida ne`e , hahú Aprende oinsa toka Violinu. Formasaun ida ne`e ami hili lós Labarik ho Idade Minór tamba atu Prepara Fini Tokadór Violinu nian iha Munisípiu Lautém , tamba ita atu oferese Joven sira ne`ebe Adolsente ne`e tempu liu ona , nune`e fórmasaun ida ne`e ita fokus ba Labarik Minoridade Sira.’’ Hateten Xéfe Departamentu Arté Kultura Tradisional husi Sekretária Estadu Arté no Kultura Yohanes Berre Bria, ba Jornalista RCL iha Sentru Kultura Lospalos Segunda 23/10/2023.
Yohanes Berre Bria mós infórma , Formasaun ida ne`e lolos La`o durante Loron Lima , maibe tamba Nasaun ida ne`e , sei Infrénta Elisaun Lidéransa Suku nian , nune`e sei hala`o Loron Tolu , hahu husi Segunda no sei términa iha Quarta Feira ne`e.
‘’Lolos Formasaun ida ne`e La`o durante Loron 5 , maibe tamba loron Quinta no Sexta Hanesan Loron Silénsiu ba Povu Tomak , hodi hakát ba Sentru Votasaun iha ida-idak nia Suku ba Elisaun Suku , nune`e Formasaun ida ne`e la`o durante loron 3 de`it , mais ita espéra katak , ho Formasaun loron 3 ne`e , ita nia Oan sira no Alin sira akapta ho lala`is Téoria Toka violinu nian , nune`e sira bele hasa`e diak liu tán.’’Dehan nia.
Entretantu; Formasaun Toka Violinu ne`ebe Partisipa husi Labarik Idade Minór , ne`e sei la`o durante loron Tolu , Hahu Segunda no sei remata iha Quarta feira , no Formasaun ne`e rasik hala`o iha Edifisiu Arté no Kultura Munisípiu Lautém.
Jornalista ; Linda
Editor ; NP
