Saturday, March 2, 2024
spot_img
HomeFoto GaleriaAdministradór Munisípiu , Husu ba Povu no Elitór Tomak , atu Ezérse...

Administradór Munisípiu , Husu ba Povu no Elitór Tomak , atu Ezérse Votu iha Elisaun Suku

Lospalos RCL VP 27/10/2023 = Administradór Munisípiu Lautém Husu ba Povu no Elitór , tomak atu bele hakbesik Án iha Sentru Votasaun ida-idak iha Sabado loron Rua nolu resin Walu , Fulan Outubru Rihun Rua , Rua nolu resin Tolu (28/10/2023) hodi Ezérse Votu hodi hili Kandidatu Xéfe Suku ida ne`ebe iha kapasidade , Dezenvolvimentu iha Nivél Suku.

Administradór Munisípiu Lautém , Dominggus Sáviu ba Jornalista RCL hafoin Lansamentu Distribuisaun Material Sensitivu no la Sensitivu iha Gimnaziu Lospalos , Sexta feira ne`e hateten tán  , Nasaun Timor Leste hanesan Nasaun Demokrátiku , ne`eduni Atu Sai sidadaun ne`ebe diak , tengki Partisipai ha Festa Demokrásia ne`ebe hanaran Elisaun Suku iha Sentru Votasaun iha ida-idak nia Aldeia.

Administradór Munisípiu ne`e mós husu ba Elitór sira , atu bele Hili Kandidatu ne`ebe iha Kapasidade hodi lidera no foti desijaun diak ba Dezenvolvimentu Suku , tamba Desijaun Dezenvolvimentu hotu-hotu sei foti husi Lideransa Suku , hafoin to`o iha Postu , Munisípiu no ba Nasaun .

‘’Hanesan Nasaun Demokrátiku , ne`eduni hanesan sidadaún ne`ebe diak , tengki hakát ba Sentru Votasaun hotu-hotu , iha Aldeia ida-idak , atu bele ezerse imi nia Direitu votu , liu husi Elisaun Suku ne`ebe sei akontese iha Sabado 28/102023 , Elisaun ida ne`e , hanesan Elisaun Lideransa Suku nian , nune`e atu hili no fihir Pessoal ne`ebe iha Kapsidade , atu lidera Komunidade ba Periodu tinan 7 nian , tamba Xéfe suku sira ne`ebe Povu hili ne`e sei foti desijaun iha Nivél Baze , tamba tinan 1 ou 2 Oin mai , Prosesu Dezenvolvimentu , sei hahu husi Baze , wainhira ita nia Implementa ona Desenstralizasaun ba ita nia Munisípiu.Hau mós husu ba Kandidatu Xéfe Suku ne`ebe lahetan Oportunidade liu husi Elisaun Suku , atu bele Kópera ho Xéfe Suku Eleitu , atu bele hala`o Servisu hodi Servi no Lidera Suku no Aldeia hotu-hotu, no ba Xéfe Suku sira ne`ebe hetan Konfiansa Votu , atu bele Halibur Ideia Ema hotu nian , hodi Dezenvolve Suku no Aldeia Sira.’’ Hateten Administradór Munisípiu Lautém , Dominggus Sáviu ba Jornalista RCL hafoin Lansamentu Distribuisaun Material Sensitivu no la Sensitivu iha Gimnaziu Lospalos , Sexta 27/10/2023.

Entretanto;STAE no Autoridade Lokal sira , Hahu ona Lansamentu Distribuisaun Material Sensitivu no non Sensitivu iha Salaun Gimnazio Lospalos , hodi Transporta ba Sentru Votasaun 151 ne`ebe Pertense iha Munisípiu Lautém , no Prosesu Transportasaun ne`e , Akompaña husi Parte PNTL , nune`e bele asegura Seguransa iha Sentru Votasaun ida-idak.

 

Jornalista ; SdC

Editor ; NP

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x