Leuro Lospalos RCL VP 14/11/2023 = Beé hanesan Nesesidáde Ema nian, ema hotu tenké Buka liu husi Esfórsu oin-oin Hanesan iha Suku Leuro, Komunidade sira tengki Aluga Kareta hodi lalin beé husi dók, tamba bailoron Naruk kuaje Fulan Lima ona , Beé matan balun iha Aréa refere Maran , difikulta Komunidade atu Asesu Beé Mós.
Komunidade ida iha Suku Leuro, Postu Lospalos, Felismina dos Santos ba Jornalista RCL hateten, durante ne`e Komunidade Suku refere , Obriga Án Aluga Kareta hodi lalin Beé husi dók , tamba Beé iha Suku refere la sufisiente , nune`e husu ba Autoridade ne`ebe kompetente , atu bele atensaun ba Probléma ida ne`e.
‘’Ami senti tristí tebes , tamba ami nia Beé iha ne`e ami araska duni iha tempu ida agora ne`e , Ami laiha osan maibe tamba , Beé hanesan Nesesidáde Báziku ba Ema nia moris , maske lalin Beé husi dók , maibe ami selu Ema nia kareta , nune’e kareta bele transpórta Beé ba Ami hodi konsumu , Ami agora buka Beé iha tempu agora Araska ona , tamba Beé matan balun maran ona relasiona ho Bailoron Naruk ,entaun ami husu ba Autoridade ne`ebe kompetente , atu bele atensaun ba Probléma ida ne`e.’’ Dehan Felismina dos Santos ba RCL iha Suku Leuro Tersa 14/11/2023
Iha Sorin Seluk Livia Dias Quintas deklara, Wainhira Governu Laiha atensan ba problema Beé Mós, Komunidade sei kontinua halerik, tamba Beé hanesan Nesesidade ba Ema, no kriasaun Maromak nian iha Mundu, Nune`e Komunidade sira husu ba Estadu, liu-liu parte ne`ebe relevante atu bele haré situasaun real ne`ebe akontese iha terenu.
‘’Bailoron Naruk ne`e , halo Beé matan besik ami nia Aréa hahu maran ona , nune`e Susar baa mi atu Asesu Beé mós , ami atu hetan Beé ami tengki la`o ba distansia ne`ebe dók Mak Foin Hau Hetan Beé , Hodi Ida ne’e Hau husu Nafatin Ba Parte Governu , tenki buka meius , tún Direita ba Baze hodi bele identidika Problema saifa mak Komunidade sira nian , tamba bo’ot sira hatún Orden kona ba Uma kain 1 ho sintina Mesak , Ami Ejékuta ona Ordén ne`e , maibe realidade Governu labele kria kondisaun ne`ebe adekuadu , hodi bele fasilita be`e ba kada Uma kain.’’ Tenik Livia.
Hatan ba Questaun ida ne`e , Xéfe Suku Leuro Atúal no Eleito Carlito Veigas hateten , Problema ida ne`e la`os akontese deit iha Suku Leuro De’it maibe akontese iha teritoriu timor laran tomak , nune`e Komunidade Suku Leuro tengki hamutuk hodi Solusiona Problema ida ne`e , tamba ida ne`e iha relasaun ho Bailoron naruk .
‘’Hau Hatene Katak Durante Ne’e Hau Nia Komunidade Iha Preokupasaun Ba Beé Mós , prekupasaun ida ne`e la`os ba Povu deit maibe bai ta hotu nian ,Problema beé Mós ne`e sempre akontese kada tinan relasiona ho Bailoron ne`ebe naruk , nune`e hau husu ba hau nia Komunidade , atu bele hamutuk ita Esfórsu hodi solusiona problema ida ne`e iha ita nia Suku laran , tamba problema ida ne`e la`os akontese ba ita de`it maibe akontese iha teritoriu timor laran tomak.’’ Dehan Carlitu.
Entertantu:Governu no Parte ne`ebe relevante , tengki foti asaun , hodi responde Sedu , wainhira Problema ne`e iha kontinuasaun , tamba Problema Esensial Povu nian iha Area Rural mak , Beé Mós , Saúde no Agrikultura .
Jornalista ; Cc
Editor ; NP
