Lospalos RCL VP 22/11/2023 = Sekretária ba Komisaun Organizadora Graduasdaun Pré Eskolar Ira-ara Lospalos Fizélia Vieira Tersa feira ne`e hateten , Alunu Pré Eskolar Ira-ara Hamutuk Na’in 59 Dezembru tinan ida ne`e , sei Gradua iha nia Eskola rasik , tamba ida ne`e hanesan desizaun Inan Aman nian.
Fizélia mós hateten , Bazéia ba Desijaun Inan Aman Alunus liu husi Enkotru katak , Graduasaun ba Alunus Pré Eskolar ba tinan ida ne`e , sei hala`o iha Ambiente Eskola ne`e rasik , tamba Eskola ne`e foun ho Ambiente ne`ebe luan no Frésku .
‘’Serimonia Graduasaun Pré-Skolar Ira-Ara Lospalos ba tinan ida ne’e , Ami se hala`o iha Ami nia Eskola rasik , Bazéia ba Enkontru Inan Aman liu husi Enkontru ho Parte Eskola , no Ami mós hato`o on aba Servisu Munisípal Edukasaun Munisípiu Lautém no iha ona aseitasaun , kona ba ami nia,no tinan ida ne’e ami halo ketak ,tamba skola foun ,ambiente iha Pre-skolar ne’e mos Luan no bele akumula Inan Aman sira no Komunidade sira ne`ebe mak hakarak Asisti Serimonia Graduasaun ba tinan ida ne`e , ‘’labarik nebe mak atu tuir graduasaun ba tinan ida ne’e hamutuk nain 59 no kada alunus kontribui osan $18 no osan $18 ne’e $ 3 sei, hasai foto osan $15 ida ne’e sei tama ba iha aitem decorasi ,konsumu ,kuek,saun system,Logistik ,baner no seluk tan no osamentu nebe mak labarik Pre-skolar kontribui ona hamutuk $885.’’hateten Sekertaria Komisaun Organijadora Gradusaun Pré-Skolar Ira-Ara Lospalos Fizélia Viera ba Jornalista RCL iha nia servisu fatin Tersa 22-11-2023 ne`e
Husi sorin seluk reprejentante inan aman Alunu Pré -escolar Ira- ara Lospalos Arestina da Costa mos hateteten , nia parte sente kontente no Oruillu ho Desijaun Inan Aman nian , ba Graduasaun Alunu Pré-Eskolar Ira-Ara nian ne`ebe sei halo ketak iha sira nia Eskola rasik foin mak Konstrui tamba Ambiente Eskola Fresku no iha espasu ne`ebe diak ba inan aman sira wainhira Asisti .
‘’Hau aseita duni ba desizaun inan aman sira seluk nian ne’ebe mak atu halao gradusaun ketak tamba eskola refere foin mak Konstrui no ambiente moós luan no fresco no iha espasu ne`ebe diak ba inan aman sira wainhira Asisti ,tamba tinan tinnan sempre halo graduasaun iha gor maibe ba tinan ida ne’e ami bele halo graduasaun ketak.’’ tenik Arestina
Entertantu; Seremonia Gradusaun Pre-Eskola Ira-Ara lospalos sei hala`o iha Loron Ida fulan Dezembru tinan rihun Rua Rua nolu resin Tolu 01/12/2023 iha Ambiente Pre –skolar Ira-ara lospalos rasik .
Jornalista ; ersi
Editor;NP
