Lospalos RCL VOX POPULY 18/10/2022 = Atu evita virus HIV-SIDA ,komunidade tenki iha konsesnia hodi kontrola àn , hodi hapara Relasaun Seksual ho Livre , tamba hahalok ne`e , bele hada`et virus HIV-SIDA , tamba Virus ida ne`e Perigu ba ita ema nia moris , no bele hamate ema nia Vida ho nene`ik.
Diretòr Rekursu Umanu , ne`ebe Reprejenta Administradòr Municipiu Lautèm Manuel de Oliveira , iha Abertura Sensibilijasaun Virus HIV-SIDA ne`e hateten , Virus ida ne`e nudar inimigu Ida ne`ebe mosu iha ita nia lèt , ne`ebe kria husi ita ema rasik no bele sai inimigu Perigu iha sosidade Nia lèt.
‘’programa sensibilijasaun nee intersante teb-tebes atu bele sensibilija ba ita nia komunidade Munispio lautém katak Virus HIV-SIDA nee sai inimigo ida nebe mosu iha ita nia let,inimigo ida nebe ita la hare ho matan ,maibe inimigo ida nee mak iha bele hatene ho konsepeto ida nebe mak kria husi ita ema rasik no bele sai inimogu Perigu iha sosidade Nia lèt, ne`eduni ita hotu presiza hamutuk hodi kombàte no prevene Moras Hada`et ne`e , selae nene`ik ba bebe`ik sei domina ita nia nasaun .’’Dehan Reprejentante Administrador Munisipio lautém Manuel de Oliveira
Manuel mos hateten prezensa INCSIDA iha Municipiu Lautèm ne`e Importante , oinsa bele fanu ita hotu , hodi hamutuk halo Prevensaun no kombate Virus HIV Sida liu husi programa sesinsibilijasaun , tengke Kompromete , firme no desidi atu hasès àn husi moras HIV_SIda nee .
‘’ohin ita nia marka prejensa iha nee, konsidera importante teb-tebes oinsa ita bele hamutuk hodi kombate virus ne`e ho buat ida ho Asaun liu husi ita nia hahalok,maibe wainhira ita lakohi virus ne`e labele mosu iha ita nia sosidade nia let ,ita ida-idak tenki kontrola An ho prisipio kompromitivo hodi firme no deside atu hases Aan husi moras HIV-SIDA tamba moras HIV- sida nee bele Risku bo`ot ba ema nia vida no bele hada`et Tutan ba ema seluk ‘’.Hateten Manuel de Oliveira
Entertantu; husu nafatin ba povu Munisipio Lautém atu bele habelar nafatin informasaun oinsa Prevene no kombate Virus HIV-SIDA Ne`e, nunee komunidade Munispio Lautém bele iha konsesia hodi minimija Hahalok Relasaun intimu ga Relasaun Seksual ho Livre , no bele kontrola Aan hodi evita moras HIV- SIDA ne`e ,tamba moras ida ne`e perigu ba Ema nia vida .
Jornalista ; Erme
Editor ; NP
