Saturday, March 2, 2024
spot_img
HomeFoto GaleriaRKTL 17 Asina Akordu Servisu Hamutuk (ASH) ho Guvernu Liu husi SEKOMS

RKTL 17 Asina Akordu Servisu Hamutuk (ASH) ho Guvernu Liu husi SEKOMS

Palasiu Governu Dili RCL VP 24/11/2023 = Radio Komunitáriu Timor Leste (RKTL) hamutuk Sanolu resin Hitu (17) Sexta Feira ne`e , Asina Akordu Servisu Hamutuk (ASH) ho Governu Timor Leste , liu husi Sekretária Estadu Komunikasaun Sosial (SEKOMS) ba Fundu Transferénsia Públiku  Periodu Fulan Neén husi Julho to`o Dezembru tinan ida ne`e.iha Salaun PCM Palasiu Governu Dili.

Diretór Dirasaun Nasional Promosaun Dezenvolvimentu Media Lokal (DNPDM) Adriano Monteiro liu husi Abertura Serimonia ne`e hateten , Serimonia Asina Akordu Servisu Hamutuk, Entre Radio Komunitáriu Timor Leste ho Governu , Asina Akordu Servisu Hamutuk liu husi Fundu Transferénsia Públiku ba Radio Komunidade sira iha Timor Leste Atu oinsa bele Dezenvolve Informasaun ne`ebe Justu no Balansu ba Komunidade Sira , iha Rai doben Timor Leste.

Diretór DNPDML ne`e mós hateten , Fundus ida ne`e atu tulun no Hafórsa servisu Radio Komunitáriu sira hotu iha Timor Leste , atu bele Dezenvolve Án ho Diak , hodi sai hanesan Ponte Informasaun ba Komunidade sira iha Nivel Aldeia to`o iha Munisípiu.

‘’Ohin loron hanesan loron Importante tebes ba Radio Komunitáriu sira iha Timor Leste hamutuk 17 ne`ebe durante ne`e Ezisti iha kada Munisípiu iha Nasaun ida ne`e , tamba Bele Asina Akordu Servisu Hamutuk ho Governu liu husi SEKOMS , ba Fundu Transferénsia Públiku ba Radio Komunidade Sira hotu , hodi tulun no hafórsa Servisu tomak ne`ebe Radio Komunitáriu sira halo durante ne`e , Atu oinsa bele Dezenvolve Informasaun ne`ebe Justu no Balansu ba Komunidade Sira , iha Rai doben Timor Leste. Fundus ida ne`e atu tulun no Hafórsa servisu Radio Komunitáriu sira hotu iha Timor Leste, atu bele Dezenvolve Án ho Diak, hodi sai hanesan Ponte Informasaun ba Komunidade sira husi Nivel Aldeia to`o iha Munisípiu nune`e mós ba Nasaun.’’Hateten Diretór DNPDML Adrianu Monteiru Sexta 24/11/2023.

Adriano mós Konfesa , Maske Fundu ida ne`e ki`ik , maibe bele Haforsa Servisu sira ne`ebe mak durante ne`e la`o iha kada Radio Komunitáriu ida-idak iha Munisípiu no Nasional , tamba Fundu ida ne`e la`os Foin mak dahuluk , maibe la`o durante tinan barak ona.

‘’Ami mós konsidera katak Fundus ida ne`e ki`ik , maibe bele haforsa no fasilita Programa no servisu ne`ebe durante ne`e la`o hela iha ida-idak nia Radio Estasaun iha Munisípiu sira , Fundu ida ne`e la`o Foin mak la`o , maibe la`o kuaze tinan barak ona , no sei kontinua nafatin hodi Dezenvolve Radio Komunidade Sira iha Nasaun ida ne`e , atu bele sai tilun no Ibun ba Komunidade iha Aldeia no Suku , nune`e mós bele hato`o Servisu Estadu nian ba Públiku ho Balansu no Justu.’’ Tenik nia.

Iha fatin Hanesan, Jestór Radio Komunidade Lospalos Nascimento Provinçial ba Jornalista Sira hateten , nia Parte Orguilu ho Governu Konstitusional dá Sia nian , tamba kontinua nia apoiu ba Radio Komunidade sira , atu Eleva Estasaun Ida-idak nia Kapasidade , liu husi Rekursu Umanu no Fasilidade sira hodi hato`o lian Laék Povu nian ba Públiku.

‘’Hau Sente Orguillu ho IX Governu Konstitusional liu husi SEKOMS, tamba bele kontinua nafatin Apoiu ba Radio Komunidade sira iha Timor Leste, liu-liu ba Hau nia Estasaun , atu bele Fasilita no Eleva Kapasidade Rekursu Umanu no Servisu sira hotu , nune`e Estasaun Radio Komunidade sira hotu ne`ebe Ezisti iha Munisípiu bele hato`o Lian La`ek Povu nian ba Públiku liu husi Eduka , Infórma no Diverte Povu ho Infórmasaun ne`ebe ho Kontiudu Pozitivu.’’ Hateten Nascimento

Entretantu ; Akordu Servisu Hamutuk ne`e ho Durasaun tempu Fulan Neén (6) Hahu husi Julho no Sei Remata iha Dezembru , rihun Rua , Rua nolu resin Tolu (Jul-Dez 2023) ho Fundu Transferénsia Públiku.

 

Jornalista;Mento

Editor ; NP

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x