Lospalos RCL VP Tersa 16/01/2024 = Sekretária Estadu Kóperativa iha Munisípiu Lautém , Hala`o Atívidade Multisektoral liu husi Kóperativa iha Munisípiu Lautém , hodi Fasilita formasaun tékniku ba Grupu Komunidade sira ne`ebe hakarak Kria Grupu Kóperativa iha Munisipiu Lautèm.
Kórdenador SEKOP Munisipio Lautém Aureliu Dias da Silva ne`ebe jornalista RCL hasoru iha nia servisu fatin Tersa Feira ne’e hateten, bazeia ba lei Sekretariau Estadu Kóperativa nian , Komunidade ne`ebe Forma Grupo , tenke Priense Kriteria ne`ebe mak hanesan Kreatividade no iha Inisiativa ne`ebe relevante ba Servisu SEKOP Nian.
‘’ Durante ne’e ami halao atívidade SEKOP iha Munisipiu Lautèm ne’e mak Kóperativa Multi sectoral ba Komunidade sira, no rekursu ne`ebe mak ligadu ho atividade Kóperativa ne`ebe direita ba Komunidade sira no recursu saida mak inan aman sira presija hodi kria atu halo, nune SEKOP bele hakbesik ba grupo sira nebe mak forma ona , atu nune`e grupo nebe mak iha ona ne’e , bele nakfila ba iha Koperativa nian ,tamba koperativa iha Munisipiu Lautèm ida ne’e bele hare hotu agricultura no Horticultura nian,no Komunidade sira balun mos halo to’os balun hakiak animal ida ne’e SEKOP nia servisu atu bele tau matan ba ida ne’e hotu , ho ida ne’e ami bazeia mos ba lei Secretariau Estadu Kóperativa nian ,tamba Komunidade sira nebe mak Forma Grupo , tenke Priense Kriteria ne`ebe mak iha ona no wainhira Komunidade sira Forma Grupo, sei bazeia ba Kreatividade no inisiativa , ne`ebe relevante ho actividade SEKOP no sei tranforma informasaun ba Komunidade sira ne`ebe mak iha inisiativa hodi halo Atividade ne`ebe nak relevante.’’hateten Coordenador SECOOP Munisipio lautèm Aureliu Diaz Dasilva ba jornalista RCL iha nia servisu fatin Tersa Feira 16/01/2024
Aureliu Diaz da silva mos hateten, kredito nebe mak grupo halo ne’e mai husi Komunidade no Komunidade sira mak sai hanesan Kapital inisia no SEKOP fasilita liu husi formasaun no Tékniku Implementasaun sira,atu nune`e Komunidade sira bele kontinua nafatin ba kredito ne`ebe mak halo ona.
‘’grupo nebe mak halo grupo kredito osan ne’e Komunidade rasik mak sai hanesan Kapital inisia ba kredito refere no SEKOP sei fasilita deit liu husi formasaun ba Komunidade sira,atu nune’e Komunidade sira bele kontinua nafatin Atividade kredito nebe mak halo ona. Tamba ita hare ba grupo balun ne`ebe mak halo kredito osan ne’e balun la`o no balun la lao ida ne’e mak ita tenke fo formasaun wainhira grupo refere tama ba iha grupo Koperativa nian .dehan Aureliu Diaz da silva
Entertantu:Koperativa ne`ebe hari’i sai hanesan liman ain povu Munisipiu Lautèm ho ida ne’e Komunidade sira balun ne`ebe mak iha Kreatividade no Insiativa Estabelese Grupu hodi halo atividade saida deit relevante ho servisu bele SEKOP bele fasilita ho formasaun antes .
Jornalista ; syda
Editor ; NP
