Lospalos RCL VP Quinta 17/01/2024 = Relasiona ho Aimoruk Menus, ho Reséita Médiku, Komunidade Sira tengki Dejenrasaka Sosa Aimoruk iha Apotik ne`ebe iha, hodi bele Kura sira nia Moras, nune`e bele Rekúpera husi Moras ne`ebe Aféta ba Sira, Tamba Saúde iha Ema ida-idak nia liman.
Komunidade ida ho Naran Amelia Bernadinu, ne`ebe Jornalista RCL hasoru iha Centru Saúde Intérnamentu CSI Lospalos Quarta feira ne`e hateten , Komunidade sira mós hatene kona ba Stok Aimoruk iha Fasilidade Saúde ne`ebe iha , ne`eduni atu kura sira nia Moras , sira rasik téngki husu Reséita husi Médiku ou Profesionál Saúde sira , atu sira bele Sosa Rasik iha liur, Nune`e bele Kura sira nia moras , hodi Rekúpera ho lalaís .
‘’Hau hatene katak maski dala ruma hau moras mai hospital ne’e aimoruk ne`ebe atu kura hau nia Moras ne`e laiha , entaun Hau husu Reséita husi Médiku ou Profesional Saúde Sira , atu nune`e Hau rasik bele ba Sosa Aimoruk Iha liur , hafoin bele Kura ba hau nia Moras , Aimoruk kura Kanek nian lala`is de`it , maibe Aimoruk sira seluk , Hau téngki buka meius hodi bele hola iha liur , atu bele kura hau nia moras ne’ebe mak hau infrénta hela iha hau nia moris , maske osan sai barak mos la intérese naran katak , Hau bele rekúpera lalais husi hau nia Moras ne`ebe aféta mai Hau . ’’hateten Pasiente Vila lospalos Posto Administrativo Lospalos Munisipio Lautem Amelia Bernadino ne’ebe jornalista RCL hasoru iha CSI Lospalos Quarta feira(17-01-2024)
Iha sorin seluk Lorensu Vieira mos Dekalara , Ami ne`ebe atu hetan taratamentu Saúde iha Sentru Saúde dala barak , ami tegki dejenraska hodi sosa iha liur , maibe ida ne`emak situasaun ne`ebe ita nia nasaun Infrénta , nune`e Husu ba Estadu karik bele , Kompleta Aitem Aimoruk iha Fasilidade Saúde hotu-hotu , nune`e bele kura Komunidade sira nia moras .
‘’ Ita nia Kondisaun no Situasaun la hanesan , nune`e mós Moras ne`ebe mak ita Aféta mós la hanesan , maske ho Kbiít laiha , maibe ita tengki Dezenraska hodi Sosa Aimoruk , wainhira hetan Reséita husi Parte Saúde sira hodi bele Kura ita nia moras ne`ebe ita Infrénta , ita labele fó sala ba Estadu , ida ne`emak realidade ne`ebe Ita nia Nasaun Infrénta , Hau Mai ho Moras Hipertensi nune`e , no Aimoruk bai da ne`e Sufisiente no bele Kura ba Hau nia Moras ida ne`e , maibe ba Sira seluk ne`e Hau lahatene , tamba Ema ida-ida mak hatene nia moras rasik .’’ Ténik Lorensu
Hatán ba Kestaun ne’e , Diretór Munsípal Saúde , Munisípiu Lautém , Anastasio da Crúz hateten , Problema ida ne`e hanesan Problema realmente ,Problema Aimoruk ne`e la`os akontese iha Munisípiu Lautém de`it ,maibe iha Nivel teritóriu Timor , Ministériu laiha Autorijasaun ba Pasiente sira , atu Sosa Aimoruk iha liur , Hafoin kura sira nia Moras iha Fasilidade Saúde ne`ebe iha , maibe Atu rekupera husi Moras depende ba ida-ida nia konsensia hodi hili dalan ida ne`ebe diak liu .
‘’ Problema Aimoruk ne`e la`os akontese iha Munisípiu Lautém de`it , maibe iha Nivel Teritóriu Timor Leste , Ministériu laiha Autorijasaun ba Pasiente sira , atu Sosa Aimoruk iha liur , Hafoin kura sira nia Moras iha Fasilidade Saúde ne`ebe iha , maibe Atu rekupera husi Moras depende ba ida-ida nia konsensia hodi hili dalan ida ne`ebe diak liu , pasiente sira ne’ebe hetan moras Gráve aimoruk laiha , pasiente rasik husu direita ba Médiku sira halo Reséitab ami atu ami bele hola iha liur , atu bele kura Ami nia moras , tamba Núdar Úmanu sempre iha hanoin atu oinsa bele hili dalan diak atu hasai osan rasik nuneé sira bele rekúpera husi . Ministeriu Saúde lá autorija ba pasiente sira bele hola rasik nia aimoruk hodi kura nia moras rasik , maibe nudar humanu tenki iha konsensi hili dalan diak ba nian rasik , tamba ita ema tenki hili Opsaun 2 , Mate ho Moris , Sé ita hakarak moris , tenki hili rasik hodi hola aimoruk , tamba buat hotu la`o husi prosesu ba prosesu mak foin to’o , hodi kura ita nia moras ne’ebe gráve liu.’’ Hatán Anastasiu
Entertantu husu nafatin ba pasiente sira iha centru saude lospalos tenki tau konsensia ho situasaun hirak ne’e , tamba Maromak mak Halo Milágre , ita Ema sei la halo Milágre , nune`e buat hotu sei liu husi Dalan Esfórsu liu husi Prosesu ne`ebe naruk.
Jornalista ; CC
Editor ; NP
