Lospalos RCL VP Tersa Feira 30/01/2024 = Xéfe Suku Bauro Eleitu , Postu Administrativu Lospalos , Munisípiiu Lautém , Florindu Miranda Tersa feira ne`e Deklara , nia parte sidauk iha Programa Servisu foun , maibe sei kontinua Programa Servisu Anterior , ne`ebe balun remata ona no balun sidauk remata , nune`e sei kontinua.
Xéfe Suku Bauro iha nia knar fatin Sede Suku hateten , servisu ne`ebe mak Ami hala`o ne`e la sés husi Programa ne`ebe Xéfe Suku Anterior hala`o , nune`e Programa Servisu ida ne`e Hafórsa de`it Saida mak iha ona .
‘’Atívidade ne`be ami hala`o iha Povu nia let ne`e , lá Sés husi , Programa Servisu ne`ebe Anterior nian , no ami sida`uk iha Programa Foun , maibe sei kontinua Programa ne`ebe durante ne`e sei la`o , balun Remata ona no balun sei iha Prosesu nia laran , Sistema Atendementu Komunidade kontinua la`o hanesan Anterior nian , no sidauk iha Mudansa Servisu Anterior no Agora , ho Objétivu ida deit ,Hafasil Sistema Atendementu ba Povu sira , tamba Ami Sai Lidér Komunitáriu iha Suku Bauro ida ne`e Povu mak Hili , nune`e ami tengki Kontinua Servi Povu fuan ho laran .’’ Dehan Xéfe Suku Bauro Eleitu , Postu Administrativu Lospalos , Munisípiiu Lautém , Florindu Miranda Tersa feira 29/01/2024 .
Alende ne`e , Xéfe Suku Eleitu ne`e mós Husu ba Estadu hahu ona Rekrutamentu ba Pessoal Apoiu Administrasaun Suku (PAAS) nian , nune`e bele Fasilita sitéma Administrasaun iha Nivél Suku , tamba dada`un ne`e , PAAS hakotu ona Servisu ho rajaun Kontratu Remata ona.
‘’Durante Fulan hira nia laran , depois ami hetan Tomada de Posse , Ami fila mai Servisu iha Suku Laran , ho mesak deit , tamba laiha Pessoal Apoiu Administrasaun Suku , nune`e Atendementu Komunidade , Hau Xéfe Suku mak Direitamente hala`o ona , nunue`e Difikulta nia Servisu hanesan Xéfe Suku , tamba wainhira iha Enkontru nivel Postu no Munisípiu , Atendementu Komunidade iha Nivél Suku Paradu ona , ho nune`e , Hanesan Xéfe Suku Husu ba Estadu , atu hahu ona Prosesu Rekrutamentu ba Pessoal Apoiu Administrasaun Suku , atu bele Apoia ba Sistema Atendementu Administrasaun Suku nian ho regularmente.’’ Ténik Nia.
Entertantu; Xéfe Suku ne`e Rekomenda ba Governu Lokal , atu bele Reativa Fila fali Servisu PAAS Anterior , tamba nia iha Ona Esperensiua Servisu ne`ebe nato`on , nune`e bele atende Komunidade sira ne`ebe Presija , wainhira Xéfe Suku hala`o Viajen servisu ruma iha fatin seluk.
Jornalista ; Linda
Editor ; NP
