EAI TL Simu ona Estudante Pré Eskolar no EBF no Kursu 65 iha Lautém

Lospalos RCL VP Tersa 06/02/2024 = Timor Leste International Adventist School TL IAS ga Eskola Internasional Adventista Timor Leste, EIA TL , ba dada`un ne`e Simu ona Alunu Husi Pré-Eskolar to`o Ensinu Báziku Filial, no Estudante Kursu Lingua Inglés Hamutuk Na`in Ne`en nolu Resin Lima (65) Iha Munisípiu Lautém , no hahu ona sira nia Ensinu Apréndizazen husi 2023 to`o agora.

Kórdinandora Eskola Internasional Adventista Timor Leste iha Munisípiu Lautém Yuni Irawati ne’ebe Jornalista RCL hasoru iha nia servisu fatin tersa feira ne’e hateten , Eskola Internasional Adventista Timor Leste ne`e , Lokalija iha Aldéia Ira-Ara ,  Suku Fuiloro , Postu Administrátivu Lospalos , Munisípiu Lautém , ne`ebe hahu Ejiste iha Tinan Rihun Rua , Rua nolu resin Tolu (2023) .

‘’Eskola Ida ne`e hanesan Eskola foun , ne`ebe Ejiste iha 2023 , Rejista Ona iha Ministériu Edukasaun Timor Leste nian , ne`ebe hahu ona Ensinu Apréndizazen iha Loron 28/08/2023 ba Pré-Eskolar no Báziku Filial ne`ebe foin Primeiru Ano, no ba dadaún , Ami konsege Rejista ona Alunu Hamutuk 65 , ne`ebe kompostu husi Pré-Eskolar hamutuk Na`in 25 no Ensinu Báziku Filial Primeiru Anu Hamutuk 25 , no Hirak ne`ebe mak tuir Kursu Lian Inglés hamutuk 15 , Prosesu Aprendizazén hahu husi Loro Segunda to`o Sexta Feira , ho Oras Hahu 8:15 no Remata iha Tuku 12:00 Oras Timor Leste.’’ Hateten Kórdinandora Eskola Yuni Irawati ne’ebe Jornalista RCL hasoru iha nia servisu fatin Tersa Feira 06/01/2024.

Entertantu; Alunu Foun Ne`ebe Rejistu iha Eskola refere tengki hatama Osan Rejistu, Dolar Lima Nolu ($50.00) , Osan Propiñas Eskola Lima Nolu ($50.00) , no Osan Selu Eskola kada Fulan , Dolar Lima Nolu ($50.00).

Jornalista ; linda

Editor ; NP