Bauro Lospalos RCL VP Segunda 19/02/2024 = Durante Tinan barak , Komunidade ne`ebe Situada iha Aldéia Somocho , Suku Bauro , Postu Administrativu Lospalos , Munisípiu Lautém ho total Uma kain , Atus Ida , Sanolu resin Rua , (112) Infrénta Problema Be`e mós .
Komunidade ida iha Aldeia Somocho , Joana dos Santos Caetanu ba Jornalista RCL Iha Somocho Infórma , Durante ne`e Ami Asesu Be`e Mós Depende ba Ahi Eletrisidade , tamba Kanalijasaun Beé Mós Iha Aldeia refere , uja Sistema Pompanijasaun , Wainhira Eletrisidade Mate , sira tengke La`o Kuaje Kilometru 3 Mak foin kuru Beé .
‘’Hau Sente Triste Tebes , Durante ne`e Ami Asesu Be`e Mós Depende ba Ahi Eletrisidade , tamba Kanalijasaun Beé Mós Iha Aldeia refere , uja Sistema Pompanijasaun , Wainhira Eletrisidade Mate , sira tengke La`o Kuaje Kilometru 3 Mak foin kuru Beé , Problema ida ne`e, prejudika ba ami nia Oan sira , tamba kuandu Ahi Mate , Labarik sira lá haris ba Eskola , ho Nune`e Hau Husu nafatin ba Nain Ulun sira tenki tau Atensaun ba Ami povo ki’ik sira nia preokupasaun tamba ami tinan barak ona halerik ba Be`e mós.’’ hateten Joana 19-02-2024
Iha sorin seluk Chefi Aldeia Shomoco Alberitu dos Santos Caitanu , Be`e Mós iha Aldeia refere la sufisiente , tamba Komunidade ho Uma kain Atus Ida , Sanolu resin Rua , (112) , tengki Hein Malu hodi Kuru Be`e , tamba Be`e ne`ebe Uja ho Sistema Bomba ne`e , iha Fatin ida de`it .
‘’Prékupasaun Povu ida ne’e Autoridade Komunitáriu iha Nivel Aldeia hato`o ona ba Superior sira , no levanta ona ba Parte ne`ebe Kompetente , maibe to`o agora laiha Solusaun. Hau nia komunidade sira tinan barak ona la asesu Be`e mós , tamba sira tenki konsentra iha Be’e Bomba , no Hein malu mak foin sira kuru be`e , wainhira ahi mate hau nia komunidade tenki la`o ho Distansia ne`ebe Doók .’’ Dehan Alberitu.
Entertantu:Total Populasaun iha Aldeia Shomoco hamutuk atus lima, hat nolu (540) Kompostu husi feto hamutuk Atus Rua Neén nolu resin Tolu (263) no mane hamutuk Atus Rua Hitu nolu resin Hitu (277) no Total uma Kain Hamutuk hamutuk Atus ida sanolu resin Rua (112).
Jornalista ; SILI
Editor ; NP
