Lospalos RCL VP Kinta 22/02/2024 = Bazéia ba Kalendariu Nasional ba Implementasaun Projétu Programa Nasional Dezenvolvimentu Suku PNDS Sikulu Ne`en ba tinan ida ne`e , Munisípiu Lautém sei Halo Lansamentu Hatuúr Fatúk dáhuluk ba Projétu Konstrusaun Moru Haleu Postu SISCA Suku Home , Postu Administrativu Lospalos iha Loron Rua nolu resin Ne`en Fevereiru Rihun Rua , Rua nolu resin Haát (26/02/2024)
Diretór PNDS Munisípiu Lautém Acasio Carvailu ba Jornalista RCL iha Aredor Postu Lospalos , Kinta feira ne`e hateten , Lansamentu ida ne`e hanesan Lansamentu Nivél Nasional , Nune`e Husi Loron Rua nolu resin Neén – to`o Rua nolu resin Sia Fulan Fevereiru Rihun Rua , Rua nolu resin Haát (26-29/02/2024) Hanesan Loron Lansamentu Programa PNDS ba Tinan ida ne`e nian , Nune`e Lansamentu Projétu PNDS iha Munisípiu Lautém sei la`o tuir Orariu ne`ebe iha .
‘’Bazéia ba Global Time Line , husi Nasional Haruka mai iha Munisípiu katak , Loron 26-29/02/2024 , Teritóriu Timor Leste , sei halo Lansamentu ba Projétu PNDS nian , Nune`e Ita iha Munisípiu Lautém ho Postu 6 sei halo mós Lansamentu Projétu PNDS nian , nune`e Iha Postu Lospalos , sei halo lansamentu Projétu PNDS Sikulu 6 liu husi Serimónia Hatuúr Fatuk dahuluk ba Konstrusaun Moru Haleu Postu SISCA iha Suku Home nian , no ba Postu Lautém mós sei halo lansamentu Projétu Kaptasaun Beé iha Suku Parlamentu , nune`e mós Projétu PNDS sira seluk ne`ebe sei implementa iha Munisípiu Lautém ba Tinan ida ne`e , Enkuantu Postu Loré sei hala`o Lansamentu iha Loron 1/03/2024 tamba Relasiona ho Distánsiamentu. Ho Lansamentu ida ne`e , hatudu katak , Projétu PNDS hotu-hotu sei la`o iha Fulan Marsu 2024.’’ Hateten Diretór PNDS Munisípiu Lautém Acasio Carvailu ba Jornalista RCL iha Aredor Postu Lospalos , Kinta 22/02/2024.
Husu Kona ba Montante Orsamentu ne`ebe sei aloka ba Konstrusaun Moru Haleu Postu SISCA iha Suku Home Postu Lospalos , Diretór ne`e Infórma , Alokasaun Orsamentu ne`ebe ba Projétu PNDS Konstrusaun ne`e Hamutuk Dolar Amerikanu Rihun Haát nolu resin Haát .
‘’Ita nia orsamentu ne`ebe sei aloka ba Projétu Sikulu 6 , liu-liu Konstrusaun Moru Haleu Postu SISCA iha Suku Home Postu Lospalos ne`e , ho montante $44.000.00 , no Orsamentu ida ne`e Transfere ona ba Konta Bankaria Suku nian , no sei Jere husi Ekipa Jestaun Suku ga EJS Suku Home nian , nune`e mós Fornesedór ga Kompainia iha ona Aseitasaun hodi Implementa.’’ Katak Acasio.
Entretantu; Fundus PNDS ne`ebe Governu Aloka ba Kada Munisípiu ne`e , hodi Aloka ba Dezenvolvimentu Suku nian , Tuir Nesesidade Komunidade nian , tamba Orsamentu ida ne`e nia Na`in lolos mak Komunidade sira.
Jornalista ; SiNo
Editor ; NP
