Lospalos RCL VP Tersa 27/02/2024 = Xéfe Dirasaun Servisu Estatístika Munisípiu Lautém , Marfinu Pereira ba Jornalista RCL iha nia Knaár fatin Tersa feira ne`e Infórma , Bazéia ba Dadus Sensus Uma Kain ne`ebe Servisu Estatistika Munisípal Munisípiu Lautém hala`o iha Tinan Rihun Rua , Rua nolu resin Rua (2022) ne`e hatudu katak , Total Populasaun Hamutuk Na`in Rihun Hitu nolu , Rua nolu resin Rua (70.022) mak dada`un ne`e situada iha Postu Administrativu Neén (6) ho Suku Tolu nolu resi Haát (34) iha Munisípiu Lautém , no ida ne`e hanesan Baze ida ba Estadu atu halo Planu Dezenvolvimentu Nasaun nian.
Marfino mós deklara , Dadús Populasaun ida ne`e bazeia ba Sensus fó Fila ne`ebe Servisu Estatistika Munisípal , Munisípiu Lautém halo iha tinan 2022 , ne`ebe Kompostu husi Mane Hamutuk Rihun Tolu nolu resin Haat , Atus Walu Lima nolu resin Walu (34.858) no Feto Rihun Tolu nolu resin Lima Atus Ida , Neén nolu resin Haát (35.164)
’’Dadus ida ne`e Válidu ona , no halo ona Lansamentu Públikasaun iha Nasional , nune`e Dadus Total Populasaun iha Suku 34 , Postu 6 iha Munisípiu Lautém Hamutuk Nain 70.022 Kompostu husi Postu Lospalos Na`in 30.044 , Postu Lautém 17,667 Postu Luro 8.381 Postu Iliomar 6.569 , Postu Loré 3.692 no Postu Tutuala 3.659 , Husi Total Populasaun ida ne`e , 34.858 no Feto35.164. no Ida ne`e hala`o ona Lansamentu Públikasaun iha Nasional iha Tinan 2023, no Dadus Sensus Uma Kain ne`e sei fó Fila hikas ba Komunidade , tamba Mai husi Komunidade , no sei fila ba Komunidade , Ami mós iha Ona Planu atu Kapasita Lidér Komunitáriu sira iha Nivel Suku no Aldeia , kona ba oinsa bele foti dadus ho Konkrétu , tamba Prinsipiu Servisu Estatistika katak , Buat Metan sei nafatin Metan sei la Muda ba Mutin , tamba Servisu Estatistika mak iha Dadus Populasaun , la`os Dirasaun seluk , ne`ebe dadus ne`ebe ita Públika ne`e Validu , no hein Fali tinan 10 Mai mak ita bele halo fali Arolamentu ga Sensus Uma kain.’’ Infórma Marfino iha nia Knaár fatin Tersa feira 27/02/2024.
Entretantu ; Dadus ida ne`e sai hanesan Baze Legal id aba Estadu , atu nune`e Governu bele halo Planu Dezenvolvimentu ba Nasaun ida ne`e bazéia ba Dadus ne`ebe iha , nune`e husu ba Lider Komunitáriu sira , atu Kontinua Servisu hamutuk ho Parte Estatistika , nune`e Dadús ne`e foti ne`e ho Konrétu Furak no Kapaás.
Jornalista ; Syda
Editor ; NP
