Lospalos RCL VP Segunda 04/03/2024 = Funsionariu kazuais iha Sentru Kultura Lospalos , hamutuk Na`in Sanolu Resin Ida , ne`ebe nia Kontratu remata ona iha Fulan Novembru 2023 , Maibe iha Fulan Fevereiru Na`in Lima Réativa fila fali nia Servisu , tamba Hetan Autorijasaun husi Sekretaria Estadu Arte no Cultura (SEAC).
Xéfe Sentru Kultura Munisípiu Lautèm Bernardo Caldas ne`ebe Jornalista sira hasoru iha nia servisu fatin Segunda Feira ne’e hateten,Funsionariu Nain lima ne`ebe Reativa nia Servisu bele hakma’an ona Servisu Arte no Kultura nian Servisu Estadu nian ne`ebe tutela hela ba Munisípiu Lautém.
‘’Durante ne’e hau sente kontente,tamba servisu ne`ebe mak tinan kotuk, iha fulan Novembru to’o fulan Janeiru hau halo mesak no hau sente todan , maibe agora dadaun ,Hau sente kma’an ona, tamba Funsionariu nain 5 direitamente hasoru ba SEAC no SEAC mos iha konsensia no simu fila fali hodi halao nia knar fali iha Centru kultura ida ne’e , no ami hamutuk nain 6 ona, maske nain 5 la kontinua nia servisu ida ne’e mos SEAC hare mos bazeia ba Orsamentu ne`ebe mak iha mak bele rekruta ba Funsionariu seluk ,dala ruma mos ita ejiji nafatin ba Governo maibe bazeia ba orsamentu hotu,tamba buat hotu uja Orsamentu.
Entertantu: bernardu mos agradese ba SEAC tamba bele hatama fali Funsionariu kazuais nai lima atu bele servisu hamutuk hodi halao servisu Kultura nian iha Munisipiu Lautem.
Jornalista ; syda
Editor ; NP
