Monday, February 26, 2024
spot_img
HomeFoto GaleriaGovernu ho Komunidade troka ideias kona-ba future Nasaun

Governu ho Komunidade troka ideias kona-ba future Nasaun

RCL VP NEWS 07/01/2022

Lospalos [RCL VoxPopuly] – Xefe GovernuTaur Matan Ruak hala’od iálogu komunitáriu ho autoridade  lokal no komunidade sira iha munisípiu  Laútem.

Taur Matan Ruak hatete, dialogu ne’e hanesan oportunidade  diak, tamba bele troka hanoin kona-ba dezafios no progressu dezenvolvimentu Nasional, no koalia mos kona-ba perspetiva futuru Nasaun.

“ita ida idak iha ita nia servisu , ita nia atividade ita mos la lakon oportunidade, atu aproveita ita nia oprtunidade hodi hetan malu troka ita niahanoin kona-ba dezafios sira ne’e  be ita nia Nasaun hetan, progresu ne’e be iha no prespektivia saida mak sei  mai,” hatete Taur Matan Ruak iha dialogu, iha sentru kultural Municipiu Lautem  sexta  feira [07012022].

Tuir Xefe Governu  ne’e, reforsa rezilensia Nasaun mak tenke reforsa kapasidade atu re-eziste, hodi manan dezafio  sira, ne’ebe deskreve ona iha istória ukun  rasika’an.

“iha espanduk  sira tau fotografia hau nian deit mais tuir lolos ne’e  tau ita hotu nian, iha ne’eba hatete katak reforsa reziliensia Nasaun nian, ne’e hatete ho lian seluk ita tenke reforsa ita nia kapasidade atu r e-ejiste  no manan dezafio sira, se ita bo’ot sira haree , ita nia istoria ita povu ida kenun katauk  dezafio  sira , ita moris ho dezafios, ita infrenta no manan  dezafios,” Nia  akresenta.

Iha fatin hanesan Administrador Municipiu Laútem Domingos Savio  hateten, diálogu  ne’e atu governu  sentral rona no hare’e direitamente  dezafius no progresu dezenvolvimentu ne’ebé akontese iha Munisípiu Laútem.

“Benvindu  no  agradese ba nai Primeiru Ministru ho nia equipa  tomak hakat  ona mai Municipiu  Lautem nebe iha rai ulun atu hare direitamente ho matan rasik ba dezenvolvimentu iha Municipiu  lautem, iha  Municipiu Lautem  iha area juridiku Administrativa  hamutuk 1.602 kilometro  kuadradu, ho nia  populasaun  hamutuk 90.195 pessoas, iha  Lautem ne’e iha Postu Administrativu  5 hanesan Laútem ,Moru, Lospalos,Iliomar, Tutuala no Luro, enkuantu tinan ne’e ita sei aumenta tan Postu ida ho naran Posto  Loré,” dehan Adminiistrador  Laútem.

Entertantu, Munisípiu  Laútem  ho  area Juridiku  Administrativa  hamutuk 1.602 kilometru kuadradu, ho  nia populasaun hamutuk 90.195.

Jornalista         : Ito

Editór              : Nascimento  Provinçial

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x