Lospalos RCL VP Tersa19/03/2024 Bangku Nasional Comersiu Timor Leste BNCTL ba tinan ida ne’e , hahu ona prosesu Pagamentu Subsidiu ba Idozu Invalidu no Ema ho Defisiensia ba periodu Janeiru Marsu Tinan rihun Rua Rua nolu resin Hat (2024) ho Benefisiariu hamutuk nain rihun Lima atus Hitu Tolu nolu resin Ida (5731) iha Munisipiu Lautém.
Gerente BNCTL Sukursal Lautém Agustinho Luis Fernandes neebe Jornalista RCL hasoru iha nia servisu fatin tersa feira nee hateten , ba tinan ida ne’e BNCTL Sukursal Lautém, hahu Pagamentu Subsidiu ba Benefisiariu Hamutuk rihun Lima atus Hitu Tolu nolu resin Ida, ba Periodu Janeiru to’o Marsu 2024 , Bazeia ba Oraraiu pagamentu ne’ebe iha ona .
Agustinho mos hateten, dadaun ne’e BNCTL koloka ona nia ema ba Postu Administrativu sira ne’ebe iha , hodi hafasil pagamentu ba Benefisiariu sira.
‘’Konaba pagamentu ba faje primeiro ba tinan ida nee nian BNCTL lautem sei halo pagamentu ba Benefisiariu Hamutuk Ema nain 5.731. Bazeia ba Oraraiu pagamentu ne’ebe iha ona , BNCTL Sukursal lautém koloka ona Nia ekipa sira ba kada postu sira ne’ebe mak pertense iha munisipiu lautém atu halo atendementu pagamentu ba idojus no ema Benefisiariu sira ho diak ,nunee bele hotu iha semana ida nia laran ‘’Dehan Gerente BNCTL Sukursal Lautém Agustinho Luis fernandes neebe Jornalista RCL iha nia serviso fatin tersa feira 19/03/2024
Agustinho mos hateten,Ekipa Pagamentu Subsidiu neebe kolokadu ona nee , sei halo Pagamentu ba Benefisiariu neebe ho kondisaun Fiziku ladiak iha nia hela Fatin , tamba sira nee tengki atende iha sira nia hela fatin , tamba Lahatene lao.
‘Konaba Benefisiariu Hirak ne’ebe mak nia kondisaun Fiziku ladiak , no labele la’o Ekipa BNCTL, no INSS sei tuir too iha sira nia hela fatin , maibe tenki iha alista naran benefisiuriu husi suku nebe entrega ona ba Ekipa Institutu Nasiknal Seguransa Sosial INSS hodi autorija prosesu ida nee ” hateten Fernandes.
Entertantu; Prosesu Pagamentu nee sei halao durante loron 5 hahu husi loron Sanolu resin Walu (18) too loron rua nolu resin rua (22) Fulan Marsu Tinan ida ne’e .
Jornalista;Ersi
Editor;NP
