Lospalos RCL VP 25/03/2024=Relasiona ho Ezame Primeiru Oeriodu neebe besik ona , Ensinu Baziku Central , Centru Lospalos, hahu ona Preparasaun , liu husi Prepara Pontu Ezame nian.
Diretor EBC Centru Lospalos Ernestu dos Santos ba Jornalista RCL iha nia servisu fatin Segunda feira ne’e hateten , bazeia Kalendariu Ministeriu Edukasaun katak , Eskola hotu iha Munisipiu lautém, sei hala’o Ezame Primeiru Periodu nian , nune’e kada Eskola inklui EBC Centru Lospalos, hahu ona preparasaun Masimu hodi hasoru Ezame neebe sei akontese iha loron Ida fulan Abril Tinan Rihun Rua Rua nolu resin Hat (2024)
“Preparasaun ba Primeiru Periodu ida ne’e Programadu , kompleta ho Pontus Ezame nian, no semana oin mai Alunus sira infrenta ona Ezame Primeiru Periodu ba tinan ida ne’e nian , atu bele hetan valor diak , nune’e husu ba Alunus sira atu Estuda nafatin iha Periodu Ezame nian , nune’e bele hetan Rejultadu Ezame ne’ebe diak liu.” Hateten Diretor EBC Centru de Lospalos Ernesto Dos Santos ba Jornalista RCL iha nia Servisu fatin Segunda feira 25/03/2024
Entertantu: Alunu sira tengki Estuda ho diak , tamba sira rasik mak determina no desidi Valor , Manorin sira prontu Priense Valor ne’ebe hetan iha prosesu Ezame .
Jornalista :Cesy
Editor: NP
