Lospalos RCL VP 26/04/2024= Autoridade Postu Tutuala iha ona planu atu kria kondisaun diak ba Sitíu Turismu iha Tutuala , hodi Hatama Reseitas Liu husi Táxa Vizitantes ne`ebe Vizita iha Sitíu Turismu ne`ebe Iha Ona.
Administrador Postu Administrativu Tutuala Carlito Pereira , ne`ebe Jornalista sira hasoru iha Walusere Tutuala sexta 26/04/2024 hateten, Vizitante sira ne`ebe durante Vizita Fatin Turismu iha Postu Referre durante ne`e sei Gratuita , nune`e ba tinan ida ne`e , Tutuala sei Kria Kondisaun ne`ebe diak , hodi hatama Reseita liu husi Táxa Vizitante sira .
‘’Durante ne`e , Vizitante sira ne`ebe Vizita Sitíu Turistiku iha Tutuala , liu-liu Illa Jaco , Fatuk Makerek , no Sitíu sira seluk Gratuita , Maibe ba Tinan ida ne`e , Postu Tutuala sei halo Kobransa ba Vizitante sira ne`ebe Vizita , nune`e Bele hatama Reseitas balun ba Kofre Estadu nian , hodi Utilija hikas ba Dezenvolvimentu Area Turistika ne`ebe iha nune`e , tamba tutuala sai fatin ba centru sitiu,turismu iha Munisipal Lautem.’’ Hateten Administrador Postu Administrativu Tutuala Carlito Pereira ba Jornalista sira iha Walusere Tutuala Sesta Feira 26/04/2024.
Iha fatin hanesan Prezidente Autoridade Munisipal Lautem ,Melio de Jesus hateten, Postu Tutuala sai fatin ba sitiu turimu iha Munisípal Lautém, tamba ne`e Autoridade Munisípal sei tau iha planu prioridade ba fatin turimu sira, hodi bele atrai turista sira.
‘’Hau hanoin Postu Tutuala sai fatin ba sitiu turimu hotu iha munisipal lautem, tamba ne`e Autoridade sira iha Postu Administrativu Tutuala tenke tau planu Prioridade ba fatin turimu sira,atu nune`e bele atrai turista sira, no vijitantes iha rai laran, ho infrastrutura ne`ebe Adekuadu liu-liu Estrada,Hotelaria,Beé Mós, Elétrisidade, no infrastrutura sira seluk, nune`e bele responde Vizitantes sira nia Nesesidade, no wain hira iha ona infrastrutura ne`ebe diak, vijitantes sira sei selu iha portaun entrada tutuala, hafoin bele tama no vijita sitiu sira iha postu refere.’’ Dehan Meliu
Entertantu:Atu hatama Reseitas ba Postu Tutuala nian , Governu , Liu husi Autoridade Postu Tutuala tengki ta Prioridade ba Dezenvolvimentu Sitíu Turistika ne`ebe iha ona , liu husi Infrastrutura ne`ebe diak , Nune`e bele Atrai diak liu tan Vizitantes kada loron.
Jornalista; sida&efren
Editor;NP
