Postu Loré RCL VP 03/06/2024 Ema ho Defisiensia Matan Na`in ida iha Aldeia Horolata , Suku Loré Primeiru , Postu Administrativu Loré , to`o agora sidauk hetan atensaun husi Governu , maske ho kondisaun Kbiít laék .
Sabino Bernadino ho tinan Maizumenus 50 , to`o agora labele ona kaer servisu durante tinan barak , tamba ho Kondisaun Defisensia Matan , nune`e Ferik oan mak Dezenraska hodi servisu Sustenta Ekonomia uma laran nian .
Nia Konfesa , ho kondisaun ne`ebe afeta ba nia Aán, Ferik oan mak tengki Dezenraska hodi halo Servisu uma laran nian , hodi sustenta Nesesidade Familia sira nian , liu husi Halo to`os , hakiak animal .
‘’Ho kondisaun ne`ebe hau iha , halo hau Triste loós , tamba hau labele halo ona buat barak ba hau nia familia , liu-liu ba Hau nia Oan sira , sorte hau nia Feri koan mós iha Konsiensia ne`ebe bo`ot nune`e maske feto maibe iha Vontade servisu hodi bele Sustenta ami nia Nesesidade tomak , ho Hau nia Kondisaun ida ne`e sidauk hetan atensaun husi ita nia Governu, espera ba oin bele iha Konsiderasaun .’’ Hateten Ema ho Defisiensia Matan Sabino Bernadino iha nia Rezidensia Aldeia Horolata Suku Loré Primeiru Sabado 03/06/2024 .
Husi Parte Seluk , Xéfe Aldeia Horolata Suku Loré Primeiru , Edmundo Sequeira hateten , durante ne`e hau Esforsu ona hodi trata ona nia Dokumentu Ema ho Defisiensia nia , ba Parte ne`ebe relevante , hodi hetan apoiu Emerjensia , maibe to`o agora sidauk.
‘’Ami Lider Komunitáriu iha Nivel Aldeia nian kontinua Rona no Lori Aspirasaun Komuniade nian , liu-liu Prekupasaun sira ita nia Bo`ot sira husi Nivel Suku , Postu to`o ba Munisípiu nian ,sira mak deside , kona ba Ema Na`in 1 ne`ebe ho disaun Defisinsia Matan ne`e , nia Dokumentu Hau trata ona , no Submete ona ba ita nia bo`ot sira , maibe to`o agora sidauk iha Rejultadu , ne`ebe Hau nudar Xéfe Aldeia labele halo buat ida , wainhira sidauk iha Desijaun husi Nivel Alto sira.’’ Dehan Edmundo Sequeira.
Entertanto; Ema ho Defiensia , presija hetan duni Atensaun husi Estadu , nuneé Estadu tengkii tau atensaun , no trata sira hanesan Ema normal , tamba sira mós iha Direitu hanesan ho Ema normal .
Jornalista;CC
Editor;NP
