Sunday, July 14, 2024
spot_img
HomeFoto GaleriaGrupu Konservasaun Hahu Bandu Komunidade atu Kaer no Estraga Rikeja...

Grupu Konservasaun Hahu Bandu Komunidade atu Kaer no Estraga Rikeja Tasi ne`ebe Protéze Ona

Postu Loré RCL VP 07/06/2024 Grupo Konservasaun lenuk iha postu administrativu Lore munisípiu Lautém, bandu komunidade sira ne’ebé hala’o atividade Peska iha area tasi Lautém atu labele Kaer Arbiru no Estraga Rikeja Tasi nian ne`ebe , Estadu Bandu ona , tamba ida ne`e hanesan  Rikeja ida ne`ebe sei fó Benefisiu ba Futuru Povu no Nasaun nian, inklui ai-parapa ne’ebé hafutar iha tasi okos.

Membru Grupo Konservasaun Lenuk, Acasio Ramos afirma, Grupo konservasaun lenuk ninia ema hamutuk Neén nulu (60) ne`ebe sei ativu Na`in Tolu nolu (30) Ne`ebe durante ne`e ho Voluntariamente Servisu iha Area Kostéiru Loré nian , maibé tamba la hetan Vensimentu husi Sira nia Servisu , to`o agora Na`in 5 Lima sei ativu hodi kontrola área tasi ibun husi Namalutun to`o Sokolo`o.

Akasiu  Haktuir , Durante ne`e Maske ami la hetan Formasaun kona ba Oinsa atu halo Kontrolu Rikeja Tasi nian , maibe Sira Kontinua Konserva didi’ak animal sira iha tasi laran ne`ebe Proteje ona.

‘’ Iha tinan 2015, hahú bandu ona komunidade sira labele Kaer lenuk, Husi Aréa Namalutun to`o Sokolo`o Loré nian , hodi Kontrola Rikeza Tasi nian hanesan Lenuk , Ikan Toninu , Ahu Ruin no Ai Parapa , Ami halo ida ne`e ho Insiativa , lahetan Vensimentu husi Servisu ida ne`e , ho intensaun atu Proteze no Kontrola , hodi fó Benefisiu ba Jerasaun Foun iha Futuru ,Ami nia Grupu nia Membru ne`e Inisiu Ema Na`in 60 , maibe tamba laiha Vensimentu ruma no Laiha Formasaun Espesifiku kona ba Servisu Kontrolu ne`e , Ema Na`in 55 mak Hakseés An ona no Hela Ema na`in 5 mak kontinua Ejiste to`o ohin loron ”Ténik Membru Grupo Konservasaun Lenuk Acasio Ramos, iha Area Tasi Ibun Loré Foin lalais ne`e.

Iha sorin seluk komunidade José dos Santos hateten, lenuk nu’udar animal protejida ba nasaun Timor Leste nian , ho nune’e tenki presiza apoiu husi governu oinsá fasilita formasaun ba grupu konservasaun hodi tau matan didi’ak ba animal sira iha tasi-laran.

‘’hau hanoin katak Lenuk,Ikan Tonino , Ahu Ruin no Ai Parapa ne`e  ne’e, nudar Rikeza Tasi  nian ne`ebe ita Presija  Proteze  ho Másimu , Nune`e ami Husu Ministériu ne`ebe relevante tengki fó Apoiu hodi fasilita Formasaun Espesifiku ba Ami , atu nune`e , ami bele hatene Oinsa atu Konserva hirak ne`e , tamba Durante ne`e ami Kontrola deit  , maibe ida ne`e diak ou lae ami lahatene.’’Dehan Jose.

Entertantu; husu nafatin ba komunidade iha  Rai Loré , atu Kópera malu nafatin hodi hamutuk Kontrola no konserva Rikeza Tasi nian , nune`e iha Futuru bele fó Benefisiu ba Povu Nasaun Timor Leste.

Jornalista; Ersi

Editor;NP

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x