Lospalos rcl vp 11/06/2024 Ekipa Mission Aviation Fellowship (MAF) Tersa Feira ne`e 11/06/2024 , Marka Audensia ho Autoridade Munisípal Lautém , hodi Introdús Atívidade Transporte Aero iha Munisipiu Lautem, tamba Tuir Planu Ekipa refere sei Dezamina Informasaun kona ba Transporte Aero ne`ebe Semo ba Mai iha Munisípiu Lautém.
Ofisial Dezenvolvimentu Parseria MAF, Marlon Cristianto hateten , sira nia Prezensa iha Autoridade Munisípal Lautém , ne`e atu introdús informasaun kona-ba transporte Aero ne`ebe sei hala`o nia Operasaun Domestika, iha Munisípiu Lautém, Nune`e sira iha Ona Planu atu dezamina informasaun kona-ba Aero nian ba Komunidade sira iha fulan Jullu tinan ida ne’e.
‘’Ami Ekipa MAF hasoru malu ho Sekretáriu Munisipál Administrasaun finansa Lautém, atu introdús informasaun kona-ba Operasaun Transporte Domestika Aero nian ba no Mai iha Munisípiu Lautém, tanba MAF,Durante ami nia Sorumutuk ne`e , Ami hato`o mós Planu atividade dezaminasaun informasaun kona-ba Aero nian iha fulan Jullu tinan ida ne’e,tamba serimónia ne’ebé MAF sei hala’o iha loron 16 Jullu 2024 iha Munisípiu Lautém, hanesan sosializasaun badak ida ba populasaun sira iha Munisípiu Lautém, katak, transporte Aero ne’e ba ema hotu no seguru,no MAF halo Programa Semo ba Ema hotu iha Kampu Aviasaun Ipisala , Suku Rasa , Postu Administrativu Lospalos Munisipiu Lautém.’’ Hateten Ofisial Dezenvolvimento Parserial MAF Marlon Cristianto iha Edifisiu Administrasaun Autoridade Munisípal Lautém Tersa Feira 11/06/2024
Iha Fatin hanesan Sekretário Munisipál Administrasaun no Finansa, Munisípiu Lautém Francisco dos Santos hateten , Ekipa MAF nia Prezensa ne`e , atu Intrudus atividade Dezaminasaun kona ba Operasaun Domestika Aero nian , no ida ne`e hanesan Koñesementu id aba Autoridade Munisípal Lautém hodi hatene.
‘’AmiAutoridade Munisipál Lautém, prontu Kópera ba kualkér atividade ne’ebé sei hala’o iha Munisípiu Lautém, tamba ne’e , agradese ba ekipa husi MAF ne’ebé mai iha Administrasaun Munisípiu Lautém , hodi introdús atividade MAF nian, tamba atividade flight aviasaun ida ne’e mós sei asegura no atende ba komunidade sira, bainhira halo viajen emerjénsia ruma, husi Lospalos ba Díli no Díli mai Lospalos, Ami mós Agradese ba Operasaun Aero Domestika ida ne`e , tamba bele atende populasaun ruma, nebe moras wainhira evakua lalais ba Hospital Nasionál Guido Valdares hodi hetan tratamentu Saúde.’’ Hateten dos Santos .
Entertantu: Aero sei semo husi Díli mai Munisípiu Lautém semana ida dala rua, Tersa-feira no Kinta-feira ho presu ne’ebé mak estabelese ho estruturadu, hanesan Semo mai iha Munisípiu Lautém, ba ema internasionál sira halo viajen husi Dili mai Luatém, $.120, ba NGO no membru Governu sira mai halo atividade iha Munisípiu Lautém, presu $.80, ba ema timor oan sira nia presu $.50, enkuantu husi Dili mai Lautém, 40 Minutu.
Jornalista;sisi
Editor;NP
