Lospalos RCL VP 24/04/2024 Relasiona ho Loron Selebrasaun 20 Maio Loron Restaurasaun independensia ba dala 22 ba tinan ida ne`e, Prezidente Autoridade Munisípal PAM Lautém konvoka Enkontru ho Emprejariu Empreza Lokal sira , hodi Tau hanoin hamutuk hodi kontribui ba Komemorasaun Loron Restaurasaun , Indepedensia Timor Leste iha Munisípiu Lautém ba tinan ida ne`e.
PAM Lautem Meliu de Jesus ne`be jornalista sira hasoru iha Administrasaun Munisipiu Lautem Quarta feira ne`e hateten,objétivu ba Enkontru ho Emprejariu Lokal sira ne`ebe Ejiste iha Munisipiu lautem , atu nune Emprejariu Lokal sira mos Inklina an hodi Fo Apoiu no fo kontribuisaun ba iha Loron Selebrasaun 20 de Maio ne`ebe sai Loron restaurasaun independensia ba dala 22 nian.
‘’Loron Ida ne`e hanesan Loron Importante ba Nasaun no Povu Timor Leste nian , no sai hanesan Festa Popular ida iha Munisípiu Lautém hodi Envolve Povu hotu-hotu iha Munisipiu Lautem hodi partisipa ba Loron importante ida ne`e , Nune`e objectivu ba Encontru ho Emprezariu Lokal sira nebe Ejiste iha Munisipiu lautem , atu nune Emprejariu Lokal sira mos Inklina an hodi Fo Apoiu no fo kontribuisaun ba iha Loron Selebrasaun 20 Maio Loron restaurasaun independensia ba dala 22 ba Tinan ida ne`e,tamba iha Loron 20 maio ida n e`e ita sei organija ho diak liu , atu nune`e komunidade sira mos sente ba Loron selebrasaun Loron Istóriku ida ne`e liu husi Atívidade Tradisional nebe oi-oin atu bele Anima ba ita hotu,tamba Loron 20 maio ida ne`e hanesan festa Popular , atu PAM Lautem konvida Povu Munisipiu Lautem hotu atu bele partisipa iha Eventu Importante ida ne`e.’’ hateten PAM Lautem Meliu de jesus ba jornalista sira iha Administrasaun Munisipiu Lautem Quarta feira 24/04/2024
Iha Fatin hanesan Diretór Kompañia Airira Justino Amaral mos hateten,nia parte Prontu hodi Kontribui ba Governu Lokal hodi selebra Loron restaurasaun 20 Maiu ba tinan ida ne`e .
‘’Hanesan Emprezariu ida , nune`e Mós sidadaun Timor Leste ninian , hau mos Prontu hodi Kontribui ba Governo Lokal ba Loron restaurasaun 20 Maiu ba tinan ida ne`e ,tamba Loron Independensia ida ne`e ita hotu nian no loron ne`ebe importante tebes ba ita nia Nasaun Demokratiku ida ne`e.’’ Tenik Justinu
Entertantu:Encontru ida ne`e la`o ho diak tamba hetan Partisipasaun husi Governo lokal Emprejariu Lokal sira ne`ebe ejiste iha Munisipiu Lautem.
Jornalista;syda
Editor;NP
