Sunday, July 14, 2024
spot_img
HomeFoto GaleriaGuvernu fo ingresso espesial do Regime Careira Docente ba professores hamutuk 192...

Guvernu fo ingresso espesial do Regime Careira Docente ba professores hamutuk 192 iha Munisipál Lautém.

Lospalos RCL VP 25/06/2024 Autoridade Munisipál Lautém, liu husi Secretário Munisipál, do Planeamento Investimento e Desenvolvimento Integrado no reprezenta Prezidente Autoridade Munisipál Lautém, partisipa serimónia termu Aceitação Posse ba Professores sira iha Ingresso do Regime de Carreira Dosente, hamutuk na’in 192, hodi bele responde preokupasaun estudante sira nian kona ba Problema Menus Manorin iha kada eskola,

Termu Posse ne`e Hala`o Direita husi, Secretáriu Estadu Ensino Secundária Jerál no Ensino Técnico Vocasionál, iha Salaun Parókia Lospalos, Munisípiu Lautém.

Liu husi Serimonia Termu  Posse , Reprezenta Prezidente Autoridade Munisipál Lautém Tiborsiu dos Santos mos hateten, nia Parte agradese tebes, ba Governu dá Sia,liu husi Ministériu Edukasaun bele hakmaan ona funsionáriu sira nia preokupasaun durante tinan naruk nia laran , ho nune’e husu ba profesór sira kumpre tempu hodi hanorin estudante sira.

‘’ Lori Prezidente Autoridade Munisípal Lautém , agradese tebes, ba Nono Governu Konstituisionál liu husi Ministériu Edukasaun bele hakmaan ona funsionáriu sira nia preokupasaun durante tinan naruk nia laran , ho nune’e husu ba profesór sira kumpre tempu hodi hanorin estudante sira no ba profesór sira , tamba durante dedika an iha voluntáriu no kontratadu iha tinan naruk nia laran, maibé la hamate espíritu profisionál nu’udar profesór, ne’ebé foin hetan pose hodi sai funsionáriu permanente nu’udar profesór, nune’e husu ba profesór sira hanorin estudante ho disiplina no estrutura  tuir matéria ne’ebé maka profesór sira hanorin, maski profesór sira 192 balun idade avansadu ona’’hateten Tibursio dos santos(26-06-2024)

Iha fatin hanesan  Secretário Estado Ensino Secundária Jerál no Ensino Técnico Vocasionál, Domingos lopes Lemos mos hateten , Manorin sira hamutuk 192 ba termu aseitasaun, pose ba profesór/a sira atu ingresu espesiál, tanba ne’e ofisializa sira, hodi transforma estatutu husi kontratadu ba permanente iha loron 1 Janeiru 2023 Tamba  ida ne’e, profesór sira ne’ebé simu ona  pose, atu bele hala’o ona servisu tuir prosedimentu legais ne’ebé maka iha, no hanorin profesór/a tenke transforma Jerasaun ida ba jerasaun seluk nia futuru.

‘’Governante ne’e salienta tan, iha Munisípiu Lautém, profesór emposadu hamutuk 192 hahú husi tinan 2013 to’o 2024 kontratadu, tamba ida ne’e, simu ona pose fila ba kada eskola hanorin estudante sira, nu’udar profesór hodi implementa imi-nia profisionalizmu, matenek ne’ebé maka imi iha, hodi hanorin ema atu sai ema ne’ebé kualidade ho nune’e husu ba profesór sira, nu’udar Lautém oan, hanorin estudante Lautém oan, hodi sai ema ne’ebé di’ak no kualidade ho profisionál, hodi bele kontribui ba prosesu dezenvolvimentu iha Timor-Leste espesiál iha Munisípiu Lautém, tamba transforma siénsia ba ema ida atu sai profisionál hodi bele muda mentalidade estudante nian no Eskola públika sira iha Munisípiu Lautém hamutuk 136, ho ninia estudante hamutuk 24,996, ho ninia profesór kuaze 900 resin hamutuk ho funsionáriu permanente ne’ebé servisu iha Servisu Munisipál Edukasaun Munisípiu Lautém, hamutuk 1000, 39’’hatan Domingos lopes lemos (25-06-2024)

Entretantu, profesór sira ne’ebé maka reformadu ona hamutuk 31, profesór sira ne’ebé maka falesidu hamutuk  81, profesór sira idade atu tama ba reforma hamutuk na’in 154, nune’e iha Munisípiu Lautém, sei presiza profesór hamutuk na’in 265 hodi prienxe eskola sira ne’ebé sei menus ho professor.

Jornalista; cc

Editor;NP

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x