Lospalos rcl vp 08-10-2024 Institutu Publiku Teknologia da informasaun e comunikasaun ( TIC Timor) tenki kontinua hodi halao Sensibiliza informasaun konaba sistema Eletroniku nian iha Nivel Rural tamba sistema Eletroniku nudar sistema estrategiku ba futuru nian.
Prezidente Autoridade Munisipal Lautem, Melio de Jesus ba Jornalista sira Sexta feira ne’e hateten,atu garante sistema Digitalizasaun Electroniko iha futuru, funsionariu sira iha nivel Postu no suco tenki hatene oinsa atu utiliza digitalizasaun refere
” atu garante sistema Digitalizasaun Electroniko iha futuru, Programa ida ne’e tenke hahu husi baze nune funsionariu iha nivel Postu no suco bele hatene oinsa atu utiliza digitalizasaun ida ne’e ba oin,tamba ne’e hau husu ba TIC Timor ,tenke sensibilizasaun to’o iha baze liu-liu ba areas rurais sira atu nune funsionariu iha nivel rural bele hetan informasaun klean oinsa utiliza digitalizasaun liu liu teknologia informasaun nian, no wainhira sira komprende ita bele komesa implementa programa governu nian liu-liu boa governasaun nebe uja ho governu eletroniku.”hateten Prezidente Autoridade Munisipal Lautem, Melio de Jesus ba Jornalista sira Sexta feira 04/10/2024
Iha fatin hanesan Xefe suco home ,Luis dos Santos Maubano mos hateten, ba Futuru Timor Leste, mos sei Implementa sistema digitalizasaun, tamba ne’e Autoridade Lokal sira iha area rural presija iha formasaun nunee bele iha ona koinesimentu kona ba Sisitema digitalijasaun nian
” ba Futuru Timor Leste, mos sei Implementa sistema digitalizasaun, tamba nee Autoridade Lokal sira iha area rural Presija iha formasaun nune antes de implementasaun sira iha ona koinesimentu kona ba Sisitema digitalijasaun ida ne’e, nune Funsionario sira iha baze tenke hatene regras no prosedimentu nebe mak iha ,tamba ne’e TIC Timor tenki estabele programa ida ne’e iha Postu no Suco atu nune foin sae sira iha koihesimentu nebe nato’on bele akompanha sistema hodi realiza programa suco no aldeia atraves de digitalizasaun, tamba hakarak ka lakoi aban bain rua ita sei tama ba faze digitalizasaun.” Xefe suco home ,Luis dos Santos Maubano
Hatan ba kestaun nee Diretur Dezenvolvimentu Sistema no Aplikasaun Justo Fernandes mos Afirma , nia parte sei kontinua sensibiliza informasaun ne’e to’o iha nivel rural, tamba programa refere nudar programa estrategiku ba futuru nian.
” Ami sei kontinua sensibiliza informasaun ne’e to’o iha nivel rural, tamba programa refere nudar programa estrategiku ba futuru nian,tamba sensibilizasaun ne’e la para iha munisipiu maibe ita sei kontinua nafatin too nivel suco tamba ida nee liu husi programa estratejiku teknologia nian ba tinan 10 tamba nee ita sei too iha nivel suco nebe iha eskola , Postu Saude nebe ligasaun ho teknoligia sei too iha neba no sei estabelese mos uma digital atu fo asistensia teknika ba iha sidadaun sira atu bele asesu ba governu eletrobiku.”
Jornalista;versy
Editor;EL
