Grupu Cooperativa CU-Adorada husu secretariu estadu cooperativa atu apoui hodi halo edifisiu no apoiu ekipamentus hodi uja ba Acrividade Lor-Loron.
Prezidente Grupu Cooperativa CU-Adorada Ervacio da Costa Gimaraens husu ba Secoop atu apoiu Financeiru nune’e bele halo sira nia edifisu no mos ekipamentus sira seluk atu bele hafasil sira nia aktividade cooperativa nian,tamba grupu refere ejiste ona tinan tolu ,maibe seidauk iha edifisiu no ekipamentus sira seluk.
“hau husu ba Secoop atu apoiu sira nia grupu liu-liu atu Apoiu Financeiru nune sira bele halo sira nia edifisu no mos ekipamentus sira seluk hodi hafasil sira nia aktividade cooperativa nian,tamba grupu refere ejiste ona tinan tolu ,maibe seidauk iha edifisiu no ekipamentus sira seluk,no ami presija tebes apoiu husi secoop ami presija formasaun kontabilidade nian seidauk iha sede ami uja hela fundasaun saudozu nino konis santana nian. ami presija mos komputador para hafasil ami nia relatoriu. ami halo on proposta atu hato’o ba secoop tinan oin ami.’’hateten Prezidente Grupu Cooperativa CU-Adorada Ervacio da Costa Gimaraens
Administrador Postu Administrador Tutuala Carlito Perreira mos rekomenda ba secoop atu apoiu grupu coperativa CU-Adorada nebe eziste tinan tolu ona maibe seidauk hetan apoiu ruma husi governu.
“hau rekomenda ba governu liu-liu Secoop atu bele apoiu ba Cooperativa nebe Eziste ona ba parte balun nebe sei presija husu ajuda hela sira atu reforsa sira nia aktividade coperativa,tamba cooperativa cu-adorada moris ona tinan 3 ona rekomenda para secoop tulun saida mak coperativa presija ejemplu fo formasaun no fasilita fatin propriu atu halo aktividade Lor-loron nian.”
hatan ba preokupasaun ne’e, secretariu Estadu Cooperativa Arsenio Perreira da Silva afirma, tinan oin Secoop sei fo apoiu ba grupu sira nebe presija apoiu, tamba ne’e husu ba grupu sira atu halo pedido hodi relata ba governu nune bele hetan apoiu.
” tinan oin Secoop sei fo apoiu ba grupu sira nebe presija apoiu, tamba ne’e husu ba grupu sira atu halo pedido hodi relata ba governu nune bele hetan apoiu,tamba secoop seidauk fo apoiu financeira parece futuru,no depende mos ba pedido tamba prinsipiu cooperativa ne’e atu sai membru ho hakarak rasik serbisu hamutuk fiar malu ne’e mak sai hanesan nain ba cooperativa.,no presija iha apoiu ruma husi secoop ba materiais, edifisiu, computador, surat tahan ou kadernetas no seluk tan depende ba sira nia pedido ba, ekipa bele mai avalia no deside fo apoiu.” secretariu Estadu Cooperativa Arsenio Perreira da Silva hateten mai ita
Entretantu: grupu cu-adorada estabelese iha tinan 2021 durante ne’e halao aktividade rai osan no sosa osan ho nia faan kafe baksos no sasan sira seluk. enkuantu membru grupu dadaun ne’e iha ema hamutuk 61 kompostu husi feto 42 no mane 19.
Jornalista;Versysi
Editor;EL
