Lospalos rcl vp 07/11/2024 Comisaun Nasional de Eleicoes Munisipiu Lautem ka CNE kontinua sosializa lei no° 22/2021 konaba eleisaun munisipal no poder lokal nian ba komunidade no estudante sira ho tema ” hamutuk Konsolida Demokrasia no Eleisaun ba Poder lokal partisipativu no inkluzivu.” Nudar faze de preparasaun hafoin hakat ba eleisaun camara Munisipal.
Comisario Destakadu CNE Munisipiu Lautem Olavio da Costa Monteiru de Almeida heteten objektivu husi sosializasaun nee nudar faze praparasaun ba komunidade no estudante sira nune sira bele iha koinesimentu konaba lalaok prosesu eleisaun nian antes hakat ba eleisaun Munisipal .
” objektivu atu partilha informasaun sobre prosesu ka lalaok demokrasia no prosesu eleitoral tomak espesifiku liga ho prosesu eleisaun munisipal ka orgaun reprezentativu munisipal sira. ida nee faze de preparasaun ba joven sira liu-liu estudante sira atu nune sira bele integra.” Dehan Comisario Destakadu CNE Munisipiu Lautem Olavio da Costa Monteiru de Almeida quinta feira 07/11/2024
Comisariu nee mos hateten , eleisaun munisipal refere sei fahe ba orgaun rua, no nudar mos faze primeiru ida ba sidadaun sira hotu tamba nee presija iha sosializasaun ba sidadaun sira hafoin hakat ba eleisaun poder lokal.
“agora hakat ba eleisaun nebe sei foun ba sidadaun timor leste mak eleisaun ba orgaun reprenzatituvu munisipal, nebe sei halo ba orgaun rua mak assembleia munisipal, prezidente munisipal no vice prezidente munisipiu nian. tamba nee cne mai sosializa lei no° 22/ 2021 kona ba eleisaun munisipal, poder lokal no desentralizasaun administrativa. depois de aktividade edukasaun sivika estudante sira bele habelar ba nia kolegas sira no ba komunidade sira” .Hateten Olavio da Costa Monteiru de Almeida
iha fatin hanesan Estudante Juniela da costa hateten maske ho idade nebe seidauk too atu ezerse nia direitu maibe nia sente kontente tamba iha ona koinesimentu konaba lalaok prosesu eleisaun nian.
“Hau sente kontente tamba edukasaun sivika importante tebes ba ami estudante bele aprende buat barak. konaba edukasan sivika nian. maske hau nia tinan seidauk too atu tuir eleisaun maibe hau iha ona koinesimentu antes tinan too atu tuir eleisaun.” Hateten Estudante Juniela da costa
Entertantu : aktividade edukasaun sivika ba estudante sira nee ba dala sia ona no sei kontinua sosializa ba komunidade sira.
Jornalista;Vr
Editor;EL
