Lospalos rcl vp 05-12-2024 Autoridade Munisipál Lautém Lidera Sorumutu Konsellu Konsultivu Munisipál ba dala III iha Lautém konaba Apresiasaun Ba Progresu Dezempeñu Ezekusaun Orsamentu Jerál Estadu 2024 No Apresiasaun No Aprovasaun Ba Proposta Valorizasaun Herois Nasionál Iha Ámbitu Dezignasaun Toponimia (Estrada Publiku) Área Munisipál Lautém, Maibé Proposta Refere Re-Ajenda Fali Ba Prosima Reuniaun Órgaun Konsultivu Iha Fulan Janeiru 2025, Tanba Presiza Diskute No Aprova Iha Nivel Postu Administrativu Sira Iha Munisípiu Lautém, Antes Lori Ba Órgaun Konsultivu Hodi Hetan Apresiasaun No Aprovasaun Husi Membru CCM.
Prezidente Autoridade Munisipál Lautém, Melio De jesus Hateten, objektivo husi Enkontru Konsellu Konsultivu Munisipál Ida Ne’e, Hanesan Kondisaun Mínimu Ida, Hodi Lori Ba Iha Dezentralizasaun Poder Lokál, Tanba Ida Ne’e Presiza Ita Hotu Nia Hamutuk Hodi Ko’alia Kona-Ba Dezenvolvimentu, Atu Nune’e Bele Serví Povu Iha Munisípiu Lautém.
‘’Konsellu Konsultivu Munisipál Nia Misaun Mak Atu Promove Partisipasaun Ajente Sosiál No Forsa Ativa Lokál Iha Prosesu Formulasaun, Diskusaun No Ezekusaun Instrumentu Planeamentu Estratéjiku Administrasaun Ka Autoridade Munisipál, Nune’e Mós Iha Prosesu Akompañamentu No Avaliasaun Ba Prestasaun Bens No Servisu Públiku Administrasaun Ka Autoridade Munisipál Ba Sidadaun Sira no Iha Sesaun Períodu Orden Traballu Hahú Ho Ajenda Primeiru Mak Pronunsia Orsamentu Jeral Estadu 2025, Nune’e Prezidente Autoridade Munisipál Lautém Informa Ba Membru CCM Katak, Orsamentu Jeral Estadu 2025 Munisípiu Lautém Hetan Ona Aprovasaun Husi Parlamentu Nasional (Pn) Ho Montante Milioens, $.8,691,720.00 Ne’ebé Promulga Ona Husi Prezidente Repúblika’’
No liu husi sorumutu ne’e Servisu Munisipal Finansas Aprezenta Relatóriu Dezempeñu Ezekusaun Oge 2024 No Hetan Mós Apresiasaun Hosi Membru Konsellu Sira. No Prezidente Konsellu Konsultivu Munisipál Mós Atualiza Progresu Implementasaun Projetu PDIM Ne’ebé Konsidera La’o Tarde No Implika Ba Taxa Ezekusaun Oge 2024. No Relasiona Ho Proposta Dezignasaun Toponimia (Naran Estrada), Prezidente Konsellu Konsultivu Munisipál, Hato’o Nota Informativa Ne’ebé Liga Ho Dekretu Lei No Diploma Ministerial Ne’ebé Iha.
Alende Membru Efetivu KKM, Reuniaun Ne’e Mós Hetan Partisipasaun Hosi Reprezentante Sekertaria Estadu Toponomia No Organizasaun Urbana, Ne’ebé Akompaña Husi Diretora Jeral Ho Diretor Nasional No Ekipa. Reuniaun Loron Ida Ne’e Logistikamente Apoiu Hosi Parseiru Dezenvolvimentu
Jornalista;Ersi
Editor;EL
