Lospalos RCL VP 09/0/2025= Atu prevene Mortalidade iha Nasaun Timor leste liu-liu iha Munisipiu Lautém ,Inan Isin rua tenki hakbesik ba centru saude ne’ebe besik wanhira iha tempu partus no inan sira mos tenki lori bebe oan sira ba centru saude atu bele hetan tratamentu ho diak
Reprejentante Inan husi Postu Administrative Lautém Munisipio Lautém Arsenia perreira nebe jornalista sira hasoru hateten nia parte sente kontente tamba liu husi loron Mundial saude ne’e nia parte hetan informasaun barak husi ChildFund Timor leste no husi saude nune’e nia parte sei habelar informasaun hirak ne’e ba inan sira atu oinsa bele prevene An husi Mortalidade
“hau sente konteten tamba liu husi loron Mundial saude ne’e hau bele hetan informasaun barak husi ChildFund Timor leste no husi saude nune’e hau sei habelar informasaun hirak ne’e ba hau nia inan sira atu oinsa bele prevene An husi mortalidade “ dehan Reprejentante Inan husi postu administrative lautém munisipio lautém Arsenia perreira ba Jornalista RCL iha centru saude lautém tersa feira 08/04/2025
Zerente Prozetu Saude Chilfund Timor leste Amandio dos santos mos hateten Mortalidade ba inan isin rua kontinua aumenta tamba nee, nia parte hakarak informa ba inan isin rua sira atu hakbesik aan ba centru saude wanhira partus inklui lori bebe oan sira ba sentru saude nune bele preven mortalidade iha futuru.
” CHILFUND ho inisitiva selebra loron mundial nee iha centru saude lautem ,atu ita bele enfaze liu ba inan isin rua no bebe foin moris tamba ita hatene katak timor leste iha mos mortalidade ba inan no oan tamba nee ita hakarak salva inan sira ne’ebe mate tamba partus la seguru no risku durante partus. No liu husi biban ida ne’e ita bele konvida sira atu oinsa bele motiva onan isin rua sira atu nune sira bele hakbesik aan ba saude wainhira sira partus nune’e inan isin rua sir abele haten atendementu ho seguru ‘’ hateten Zerente project saude Chilfund timor leste Amandio dos santos
xéfe Gestaun Programa Saude Munisipiu Lautem Alfredu George mos hateten atu prevene mortalidade inan isin rua wainhira partus inan isin rua tenki hakbesik ba centru saude nune’e inan isin rua presija konsulta minimu dala 6 iha centru saude hafoin ba partus no depois de partus bebe sira tenki hemu susu been kinur durante fukan nia karan hafoin fo hahan.
” inan isin rua tenki vijita centru saude dala 8 molok partus wainhira partus tenki fo hahan komplementariu tuir protokolu ministeriu saude nian katak labarik moris durante fulan nee labele fo hahan maibe fo susu been kinur. depois de ida nee bele fo aihan ba labarik sira tamba ne’e hau husu ba inan isin rua sira tenki mai iha centru saude minimu dala 6 molok atu partus wainhira partus minimu fulan 6 fo susu been inan nian depois de fulan 6 mak fo aihan atu nune bele atingi esperensa saude iha futuru.”hateten xéfe Gestaun Programa Saude Munisipiu Lautem Alfredu George
Iha fatin hanesan Reprezentante Administrador Postu Lautem Elsa dos Santos mos fo parabens ba ina isin rua sira no enkoraza inan isin rua sira atu kontinua hakbesik ba centru saude hodi hetan tratamentu nebe diak.
“hau fo parabens ba inan isin rua sira no agradese ba Ngo Chilfund Timor leste ne’ebe implementa loron saude mundial iha centru saude komunitariu lautem,Tamba ne’e hau husu ba inan isin rua tenki hakbesik ba centru saude hodi hetan tratamentu nebe diak “ Reprezentante Administrador Postu Lautem Elsa dos santos
Entertantu :iha serinomia selebrasaun loron mundial saude iha centru saude lautem nee organiza husi ong chilfund timor keste ho nia aktividades mak hanesan kompetisaun tein produtu lokal , kuis ba inan isin rua, fo premiu ba manan nain sira, no mos fo premiu ba inan sira nebe hafoin partus.
Jornalista : Ver
Editor : EL
