Alunu sira Iha EBF no EBC  Sub Filial Kakavei Abandona sira nia Aprendizazen, tamba Laiha Manorin

Kakavei Lospalos RCL VP 006/02/2024 = Relasiona ho Observasaun Inan Aman , inklui Lider Komunitáriu iha Suku Kakavei hatudu katak , Estudante  sira Balun iha Eskola Báziku Filial no Sentral Sub Filial iha Kakavei Abandona sira nia Ensinu Apréndizazen husi Inisiu Anu Letivu to`o agora , tamba Manorin sira Laiha atu hanorin , Relasiona ho Despaisu Sirkular Ministériu Edukasaun nian.

Xéfe  Suku Kakavei , Mariu dias Quintas ba Jornalista RCL iha Kakavei Quarta feira ne`e hateten , Iha tinan ida ne’e , Manorin Kontratadu no Voluntáriu sira , hapara ona sira nia servisu , nune`e estudante sira abandona hela sira nia Ensinu Aprendizazen, Maske Oan sira ba Eskola tuir loron Efétividade Eskola nian , maibe Laiha Manorin atu hanorin sira iha Eskola, Nune`e Ministériu Edukasaun tengki tau Atensaun Sériu ba  Asuntu ida ne`e , nune`e labele Préjudika ba Matéria Ezame Primeiru Periodu nian.

‘’Durante ne`e Ita nia Oan sira Balun Mai husi Distánsia doók , maibe sira mai Eskola Saugati de`it , laiha Manorin Atu hanorin Sira ,  Nune`e Alunu sira ba Eskola Halimar de`it no Fila fali ba Uma , ida ne`e Nasaun Timor Leste nia Futuru ne`e atu ba Ne`ebe , tamba liu husi Edukasaun maki ta bele Prodús Rekursu Úmanu ne`ebe ho Kualidade , maibe sé Situasaun nune`e nafatin , Susar bai ta hotu atu Dezenvolve sistema Edukasaun ba Futuru , tuir Ami rona katak Manorin Kontratadu no Voluntariu Sira Hapara ona Sira nia Servisu , tamba lá hetan ona Osan ho rajaun Kontratu laiha ona , nune`e Préjudika tenbes Sistema Edukasaun iha Suku Kakavei ida ne`e , Nune`e hau husu ba Ministériu ne`ebe relevante atu bele , halo asaun Konkréta ba Sistéma Apréndizazen iha Eskola , ou Rekruta Manorin sira ne`ebe ho Kualifikadu , nune`e bele hanorin labarik sira iha Eskola.’’ Dehan Xéfe Suku Kakavei Mario Dias Quintas ba Jornalista RCL iha nia servisu fatin Quarta feira ne’e .

Entertantu;Atu buka Rekursu Úmanu ne`ebe Kualifikadu , Ministériu Edukasaun tengki Kria Kondisaun ne`ebe diak , liu husi Rekruta Manorin Permanente ne`ebe ho Kualifikadu , Tamba Rekursu Úmanu ne`ebe Kualifikadu , mai husi Dezenvolvimentu Edukasaun ne`e rasik.

Jornalista ; SdC

Editor ; NP