Lospalos RCL VP 08/05/2025= Relasiona ho Preokupasaun komunidade Munisipiu Lautem nian konaba Asuntu Infrastutura bazika liu-estrada urbana nebe mak ho kondisaun At nee , Ministerio Publiko sei tau orsamentu ba Manutensaun Estrada urabana sira nebe mak ho kondisaun at iha Munisipio lautém
Diretur Obras Publika Munisipiu lautem Abrao Viera nebe jornalista sira haosru iha nia serviso fatin hateten, estrada urbana iha Munisipiu Lautem ho kilometru hat nolu resin rua (42 ) nee, iha ona prosesu nia laran.
” Relasiona ho komunidade sira nia preokupasaun nee ita simu no ita sei hatoo ba Ministeriu Obras Publika depois mak Ministeriu foti Desizaun. Tamba estrada urbana ne’e Gabinete Vise Ministru Infrastutura mai foti dados hamutuk 42 kilometrus ita husu ona ba Gabinete Vice Ministru maibe dehan iha prosesu nia laran “. Dehan Diretur Obras Publika Munisipiu lautem Abrao Viera ba jornalista sira iha nia serviso fatin quarta feira 07/05/2025
Abrao viera mos hateten liu husi prekupasaun komunidade ne’e Nia Parte sei hato’o nafatin ba ministeriu obras publika atu bele tau orsamnetu manutensaun nian hodi halo Manutensaun ba estrada urbana sira nebe mak aat.
“ho prekupasaun komunidade ne’e ,ita propoin nafatin husu ba Ministeriu atu hanesan iha tinan kotuk bele tau orsamentu ba manutensaun estrada sira iha teritoriu Munisipiu Lautem atu bele ajuda nafatin ita nia estrada sira labele too kotu.
Entertantu ; konaba estrada nasional husi lautem ba Com, lautem lospalos, Buihomau ba postu luro no husi lospalos ba postu lore presesu tenderizasaun no verifikasaun lao ona hein deit nia rezultadu.No estrada husi lospalos ba Postu iliomar mos tama ba estrada nasional tamba sei hein nia prosesu .
Jornalista :veru
Editor : EL
