Lospalos RCL VP 14/05/2025 = Komando Polisia Nasional Timor Leste ( PNTL) Munisipiu Lautem kontinua husu nafatin ba komunidade sira atu kumpri lei no orden liu-liu regras tranzitu rodaviariu nian wainhira halo movimentasaun,iha Munisipio Lautem.
Komandante PNTL Munisipiu Lautem Superintendente Joao Da Costa ba jornalista hateten/nia parte husu ba komunidade Lautem oan sira atu kumpri lei no orden liu-liu regras tranzitu rodaviariu nian hodi labele homosu enkravamentu.
” durante nee aktividade seguransa rodaviariu lao nafatin ho objektivu para ema kumpri lei no orden para bele minimiza asidente, iha parte ida ita eduka sira para kumpri regras halo viagen dook tanto iha munisipiu, lori kareta no motor tenki lori dokumentus ‘’ Komandante Pntl Munisipiu Lautem Joao Da Costa(13-05-2025)
komandante nee mos Afirma durante nee ema balun hetan asidente too lakon vida tamba nee parte PNTL Lautem husu nafatin ba komunidade sira wanhira halo viagen tenki halai ho velosidade nebe minimu atu nune labele hetan dezastre.
” hau husu nafatin ba komunidade sira wanhira halo viagen tenki halai ho velosidade nebe minimu atu nune labele hetan dezastre,tamba seguransa ba ita an rasik iha ita ida-idak nia liman “ Komandante Pntl Munisipiu Lautem Joao Da Costa(13-05-2025)
Entretantu: tuir lei kodigu estrada Define katak, se deit mak lori trasnporte hanesan kareta no motor tenki lori mos dokumentus transporte nian inklui karta kondusaun, enkuantu wainhira la kumpri regras refere mak sei hetan sansaun ka multa. Sida
