Lospalos rcl vp 22-07-2025=Motor Mio Beat ho sapa Matrikula Y 9762 lakon iha loron 11 fulan jullu tinan 2025 iha resintu Administrasaun Munispiu Lautem no too agora sedauk hetan
Funsionariu kazuais Diana Da conceição nebe jornalista sira hasoru iha nia serviso fatin hateten motor ho marka meo beat ho sapa matrikula Y 9762 lakon loron 11 fulan jullu tinan 2025 iha resintu Administrasaun Munispiu Lautem, hafoin nia sai husi serbisu,no nia parte sente triste tebes no sente neon lakon wainhira nia hare nia motor laiha.
“dader dia 11 de jullu 2025 hau husi uma mai hau para iha nee, depois hau iha larna deit la sai too oras sai serbisu hau lori pasta, savi atu ba uma motor laiha fatin hau buka mos laiha, Hau sente forca laiha ona tamba iha hau nia moris hau foin sosa motor nee nebe sente laran moras los. Motor foin uja fulan ida resin motor mio beat ho nia sapa matrikula Y 9762, Hafoin nia motor lakon nia keixa ba iha policia sira halo deklarasaun lori mai iha DNTT blok ona nian Dokumentu. Ligadu ho motor lakon nee polisia iha prende motor 3 no asegura ona iha pntl munisipiu lautem no korfirma vitama adiana too kedas iha pntl hodi hare maibe motor laos ninia.” Hateten Diana Da conceicao, 21/07/2025.
Iha sorin seluk diretur servisu municipal transporte terestre Lautem Eddy Correa De Lemos mos heteten servisu municipal transporte terestre Lautem sempre serbisu hamutuk ho policia liu-liu ekipa transitu nian no simu ona keixa husi vitama no blokei ona dokumentus motor ne’ebe lakon iha munisipiu lautem.
“konaba motor lakon diresaun municipal simu keixa hamutuk nain 4, tinan kotuk nain 1, entre motor 4 nee ida entrega ona ba nia nain, falta nain tolu nee mak ita sei serbisu hamutuk ho policia hodi buka tuir. Sira hato keixa uluk iha policia lorin deklarasaun motor lakon nian mai iha nee ami blok ona motor nee nia dokumentus iha sistema.” Dehan Diretur Servisu Municipal Transporte Terestre Lautem Eddy Correa De Lemos Iha nia knar fatin, 21/07/2025.
Komandante PNTL Munisipiu Lautem Superintendente Joao Da Costa mos hateten parte polisias mos sei servisu hamutuk no Dirasaun Tranporte nian, inklui Entidade sira hotu hodi buka tuir motor ne’ebe mak lakon iha munisipiu lautem foin lalais nee.
“Los duni motor lakon foin dadaun iha iha munisipiu mos lakon agora hanesan ita motor nain mos tenki asegura ita nia motor, no seguransa edifisiu mos tenki tau atensaun ba sasan sira ne. ita hotu hotu serbsiu hamutuk hodi kombate ba naok ten sira nee.”dehan Komandante PNTL Munisipiu Lautem Superintendente Joao Da Costa
Entretantu: ba motorizada hirak ne’ebe parte policia deskobre iha area sinapala baliza entre aldeia nanafoe no sub aldeia motara, Suku Bauro, Postu Administrative Lospalos Munisipiu Lautem. Enkuan ba kontinuasaun husi kazu motorizada lakon nee iha munisipiu lautem nee dadaun nee iha hela prosesu identifikasaun husi parte PNTL munisipiu Lsutem.
Jornalista:ver
Editor;El
