Lospalos RCL VP 26/05/2025 = Sekretária de Estadu Igualdade (SEI) liu husi Assosiasaun Feto Lautém (AFEL), apoiu fundus hadulas ba Benefisiáriu Grupu hamutuk 5, hodi halo atividade negósiu hanesan Suru Tais, Alfaiate no Haki’ak Ikan, hodi apoiu ekonómia uma laran, nune’e mós bele hamenus kiak no Violénsia Domésitka iha Munisípiu Lautém. iha Salaun Administrasaun Autoridade Munisipál Lautém.
Reprezentante, Prezidente Autoridade Munisipál Lautém, Sekretáriu Munisipál Asuntu Sosiais no Organizasaun Komunitária Zeferino Dos Santos Sequira hateten, nia Parte Agradese ba Sekretária Estadu Igualdade (SEI), tanba bele aprova ona Grupu sira nia proposta, ne’ebé prienxe ona rekezitu hodi halo atividade ne’ebé mensiona iha proposta laran,.
”Hau agradese ba Sekretária Estadu Igualdade (SEI), tanba bele aprova ona Grupu sira nia proposta, ne’ebé prienxe ona rekezitu hodi halo atividade ne’ebé mensiona iha proposta laran,Tanba ida ne’e, wainhira asina kontratu, grupu sira tenke halo atividade hirak ne’ebé mensiona ona iha proposta laran, labele halo fali atividade seluk ne’ebé ses husi proposta laran,tamba ne’e proposta sira ne’ebé Grupu sira halo tenke iha koñesimentu husi Xefe Suku, Administrador Postu to’o mai iha Prezidente Autoridade Munisipala Lautem, atu nune’e bele iha responsabilidade hamutuk,tamba oportunidade ne’e hau tenke agradese, maibé ida ne’e responsabilidade tomak iha grupu sira nia liman, tanba grupu sira mak autór iha terenu, tanba fundus hadulas ne’e , wainhira grupu sira hala’o liu husi avaliasaun Grupu mak halo negósiu mesak ona fundus ne’ebé grupu sira simu bele fó fali ba grupu seluk.”hateten Reprezentante, Prezidente Autoridade Munisipál Lautém, Sekretáriu Munisipál Asuntu Sosiais no Organizasaun Komunitária Zeferino Dos Santos SeQuira 23/05/2025
Diretor IADE Munisípiu Lautém, Grilo Dos Santos Coly mos hateten ,benefisiáriu sira asina kontratu ,ida ne’e nia parte mos sei hala’o esplikasaun matéria kona-ba Jestaun no Kontabilidade ba benefisiáriu sira, nune’e benefisiáriu sira iha koñesimentu, atu nune’e implementasaun iha terenu labele iha fallansu,wainhira Uja Osamentu refere.
” hau mos halo esplikasaun matéria kona-ba Jestaun no Kontabilidade ba benefisiáriu sira, nune’e benefisiáriu sira iha koñesimentu, atu nune’e implementasaun iha terenu labele iha fallansu,wainhira Uja Osamentu refere.”dehan Diretor IADE Munisípiu Lautém, Grilo Dos Santos Coly
Iha fatin hanesan, Asosiasaun Feto Lautém (AFEL) Rita Kolisei Amaral Fernandes hateten,nia parte sente orgullu, tanba iha tinan ida ne’e, iha grupu balun ne’ebé maka hetan oportunidade liu-liu ba iha fundus transferénsia,Nune’e mos nu’udar Asosiasaun Feto hakarak fó hanoin ba Grupu sira ne’ebé hetan oportunidade ba iha fundus hadulas, signifika fundus ne’e entrega ba iha grupu ida no iha tempu ne’ebé maka determina fundus ne’e tenke fo fila-fali ba iha Asosiasaun Feto no SEI no sei hadulas ba iha Grupu sira seluk.
” hau sente orgullu, tanba iha tinan ida ne’e, iha grupu balun ne’ebé maka hetan oportunidade liu-liu ba iha fundus transferénsia,Nune’e mos nu’udar Asosiasaun Feto hakarak fó hanoin ba Grupu sira ne’ebé hetan oportunidade ba iha fundus hadulas, signifika fundus ne’e entrega ba iha grupu ida no iha tempu ne’ebé maka determina fundus ne’e tenke fo fila-fali ba iha Asosiasaun Feto no SEI no sei hadulas ba iha Grupu sira seluk,tamba fundus hadulas ida ne’e, primeiru mak atu hamenus kiak no hamenus violénsia doméstika iha Munisípiu Lautém, tanba ne’e Governu liu husi SEI kria polítika no programa atu halo programa fundus rotativa no fundus hadulas, nune’e ema hotu bele hetan, liuliu feto sira, oinsá bele hakbiit sira nia ekonomia iha uma laran, nune’e bele moris iha prosperu nia laran.
Nu’udar Asosiasaun Feto husu ba Grupu sira nia kolaborasaun atu ita jere orsamentu hirak ne’ebé grupu sira simu no implementa didi’ak tuir kontratu no proposta ne’ebé maka iha, atu nune’e ita bele hetan konfiansa iha munisípiu Lautem.
Entertantu:grupo hamutuk lima mak asina kotratu hodi asesu fundos transferensia liu husi AFEL mak hanesan Grupu Sigimata husi Suco Lacava Postu Luro, Grupu Fiar an husi Suco Luro Postu Luro, no Grupu Yanafa husi Suco Luro Postu Luro, Grupu Sancho A Mendonsa husi Suco Souro no Grupu Esperanca husi Suco Fuiloro Postu Lospalos.
Jornalista : SLY
Editor : EL
