Lospalos rcl vp 13-06-2025 =Funsionáriu Eletrisidade de Timor-Leste, Empreza Públika (EDTL,E.P), destakamentu iha Munisípiu Lautém hamutuk na’in 7 mak aprezenta an ba Autoridade Munisipál Lautém hafoin hala’o atividade iha fatin destakamentu refere iha Sala VIP, Administrasaun Autoridade Munisipál Lautém.
Chefi EDTL EP Munisipiu lautém sikito do santos hateten Objetivu prinsipál ba destakamentu funsionáriu EDTL, E.P ba kada Postu iha Suku sira ne’e , atu bele hakbesik ba komunidade sira, hodi bele halo atendimentu tékniku eletrifikasaun nian, nune’e bele asegura no seguru ba komunidade sira iha área rurais.
‘’ Objetivu prinsipál ba destakamentu funsionáriu EDTL, E.P ba kada Postu iha Suku sira ne’e , atu bele hakbesik ba komunidade sira, hodi bele halo atendimentu tékniku Eletrifikasaun nian, nunee bele asegura no seguru ba komunidade sira iha área rurais’’ dehan Chefi EDTL EP Munisipiu lautém sikito do santos iha Sala VIP, Administrasaun Autoridade Munisipál Lautém.Quarta feira 11/06/2025
Prezidente Autoridade Munisipál Lautém, Melio de Jesus, hateten mos hateten nia parte agradese ba finsionario EDTL EP nebe mak destakadu iha munisipio lautém tamba EDTL nia papél hodi atende ba komunidade sira ho fuan no laran, tanba Povu presiza EDTL-nia atendimentu iha área eletrisidade liuliu suku sira ne’ebé sei destaka, tanba nu’udar funsionáriu estadu, hodi serví ita-nia Povu no nasaun.
‘’ hau agradese ba funsionario EDTL EP nian ne’ebé mak destakadu iha Munisipio Lautém tamba Imi nia papel hodi bele atende ba komunidade sira ho fuan no laran, tanba Povu presiza EDTL-nia atendimentu ba iha área eletrisidade liuliu suku sira ne’ebé sei destaka, tanba nu’udar funsionáriu estadu, mai atu serví ita-nia Povu no nasaun.Tanba ida ne’e, nudar prejidente Autoridade Munisipiu Lautém sujere ba funsionáriu sira, kuda nafatin espíritu ba ita-nia asuwa’in sira, tanba durante tinan 24 sira sakrifika an ba rai ne’e bele hetan independénsia, maibé sira la aproveita rai ne’e nia di’ak, tanba ida ne’e.bainhira halao servisu iha terenu labele politiza instituisaun estadu nian hodi halo atendimentu ba komunidade sira, maibé nu’udar funsionáriu estadu nian tenke kumpre ita-nia profisionalizmu hodi interese Povu no nasaun.’’ Heteten Prezidente Autoridade Munisipál Lautém, Melio de Jesus
Entertantu , Funsionáriu Eletrisidade de Timor-Leste, Empreza Públika (EDTL,E.P), sei halo destakamentu iha Munisípiu Lautém mak hanesan iha suku lore II Postu Adminsitrativu Lore, iha Suku Muapitine, Postu Administrativu Lospalos , iha Suku Mehara Postu Administrativu Tutuala, iha Suku Iliomar I o Suku Iliomar II Suku Tirilolo no Suku Caenlio Postu Administrativu Iliomar, , iha Suku Eukisi no Suku Ililai Postu Administrativu Lautém, no iha Suku Maina II no Suku Baduro Postu Administrativu Lautem,
Jornalista:Ersi
Editor:EL
