Lospalos rcl vp 04-07-2025= Autoridade Munisipál Lautém hamutuk ho Arkivu Muzeum Rezisténsia Timorense Instituto Públiku (AMRT, I.P) hala’o diálogu ho Autoridade Komunitária Veteranu/a no Komunidade sira , kona-ba konstrusaun Estrada liga ba fatin rezisténsia Universidade OI iha Sede Suku Mehara, Postu Administrativu Tutuala, Munisípiu Lautém.
Prezidente Autoridade Munisipál Lautém hateten, ba Planu Munisipál Ordenamentu Territorial (PMOT), oinsá atu tama ba iha área urbana kona-ba Planu Estratejiu Munisipál nian no kontinua fahe informasaun kona-ba oinsá atu motiva komunidade sira hodi bele simu Dezenvolvimentu wainhira tama iha Postu no Suku.
‘’ ba Planu Munisipál Ordenamentu Territorial (PMOT), oinsá atu tama ba iha área urbana kona-ba Planu Estratejiu Munisipál nian no kontinua fahe informasaun kona-ba oinsá atu motiva komunidade sira hodi bele simu dezenvolvimentu wainhira tama iha Postu no Suku,tamba diálogu ne’e faz parte atu dezimina informasaun kona-ba Planu Dezenvolvimentu Munisípiu nian ba tinan 5 nian, ba iha Postu Administrativu to’o Suku, tanba Autoridade Munisipál ne’ebé planeia ona sei dezamina to’o iha Postu 6 no Suku 34 iha Munisípiu Lautém.
Prezidente Autoridade Munisipál Lautém, Mélio de Jesus, hateten, diálogu ida ne’e sai hanesan parte ida atu dezimina informasaun kona-ba Planu Dezenvolvimentu Munisípiu ba tinan 5 nian, ba iha Postu Administrativu to’o Suku, tanba Autoridade Munisipál ne’ebé planeia ona ne’e sei dezamina to’o iha Postu 6 no Suku 34 iha Munisípiu Lautém.
‘’ iha diálogu ida ne’e parte ida atu dezimina informasaun kona-ba Planu Dezenvolvimentu Munisípiu ba tinan 5 nian, ba iha Postu Administrativu to’o Suku, tanba Autoridade Munisipál ne’ebé planeia ona ne’e sei dezamina to’o iha Postu 6 no Suku 34 iha Munisípiu Lautém,no diálogu ne’e mos Autoridade Munisipál Lautém hamutuk ho AMRT, I.P mai iha Suku Mehara ho Komunidade sira hodi rona komunidade sira nia hanoin kona-ba planu dezenvolvimentu nian, ba sitiu Turistiku Rezisténsia liu-liu iha Universidade OI, tanba OI nu’udar fatin históriku tebes ba rezisténsia nasionál nian, ne’ebé Povu hotu rekoñese, ne’ebé Komandante Em Xefe das FALENTIL atuál Primeiro Ministro (PM-RDTL) Kay Rala Xanana Gusmão uluk halo mudansa estratéjiku funu Rezisténsia nian.
Tanba ida ne’e mak Autoridade Munisipál Lautém hamutuk ho AMRT, I.P mai halo diálogu ho Komunidade sira iha Suku Mehara, oinsá atu dezenvolve fatin rezisténsia OI liu-liu halo konsultasaun konkursu ba estrada dalan rezisténsia OI,Durante iha diálogu, me’e Komunidade sira mos antuziasmu tebes aseita no konkorda fo apoiu tomak ba programa no planu ne’ebé AMRT, I.P halo liu-liu liga ba estrada ba fatin rezisténsia Universidade OI nian.
Diretór Ezekutivu Arkivu Muzeu Rezisténsia Timorense, Instituto Públiku (AMRT, I.P)Jorge Alves “We Moris hateten , nia parte agradese ba Komunidade Postu Tutuala espesiál Suku Mehara ne’ebé neon ho laran tomak no disponibilidade konkorda no aseita ba malu hodi loke dalan ba fatin rezisténsia Oi. Tamba fatin historiku Universidade OI hanesan Universidade ida hodi inísiu de Guerilia hahú fila- fali funu iha rejiaun Um Ponta Leste, tanba ida ne’e sitiu historiku iha OI importante tebes no sai hanesan turizmu historiku ba povu no nasaun Timor-Leste espesiál Munisípiu Lautém.
‘’ hau agradese ba Prezidente Autoridade Munisipál Lautém, Administrador Postu Administrativu Tutuala, Xefe Suku Mehara, Veterano/a, Jerasaun Patriota no Komunidade Postu Tutuala espesiál Suku Mehara ne’ebé neon ho laran tomak no disponibilidade konkorda no aseita ba malu hodi loke dalan ba fatin rezisténsia Oi. Tamba fatin historiku Universidade OI hanesan Universidade ida hodi inísiu de Guerilia hahú fila- fali funu iha rejiaun Um Ponta Leste, tanba ida ne’e sitiu historiku iha OI importante tebes no sai hanesan turizmu historiku ba povu no nasaun Timor-Leste espesiál Munisípiu Lautém.
Entertantu: daudaun ne’e Arkivu Muzeum Rezisténsia Timorense Instituto Públiku (AMRT, I.P) ne’e sei iha prosesu nia laran ba konkursu públiku, ikus maka kompañia ne’ebé maka manán sei ko’alia ho sira hodi hare plantasaun no kultura sira ne’e.
Jornalista:Ever
Editor:El
