RCL VP NEWS 29/07/2021
Administrador Municipio Lautem Husu ba Comunidade Sira atu bele kapasita A`an , no Involve iha Treinamento nebe Agensia Dezenvolvimento Sira Oferese , tamba Liu husi Formasaun mak ita bele hasa`e Economia Uma laran ho Sustentavel .
Administrador Municipio Lautem Domingos Xavio Kasu lia hirak ne`eba Comunidade Suco Leuru , Posto Administrativo Lospalos , Municipio Lautem , liu husi Cerimonia Entrega Equipamento ba Pasrtisipantes Treinamento Kartpintaria no Produsaun Mina Nu`u , nebe Oferese Husi Asosiaun KOLPING Liu husi Fundus Uniaun Europeia ba Ong GIZ ba Programa Ai ba Futuru Quarta Feira 28/07/2021 ne`e.
Administrador Municipio Lautem mos hateten katak , Suco Leuro iha Istoria Funu Libertasaun Nasional ba Ukun Rasik A`an , Nune`e Liu husi Ukun Rasik A`an labele tane Liman bebe`ik , maibe Presija Kapasita A`an hodi hasa`e Economia Uma Laran ho Sustentavel .
Liu husi Oportunidade ida ne`e , Aman ba Municipio Lautem ne`e mos Agradese ba Agensia sira nebe bele Finansia Asosiasaun KOLPING hodi fo Treinamento kona ba Karpintaria no produsaun Mina Nu`u ba Grupu Comunidade Sira hodi bele Kreativo liu tan ba Dejenvolvimento Economia nian .
Administrador Municipio Lautem mos Planeia sei Rehabilita Uma Karpintaria nian iha Municipio Lautem , hodi Recruta Juventude sira nebe iha ona kapasidade iha area Karpintaria nian , hodi hala`o sira nia servisu Karpintaria nian hodi fasilita Eskola sira iha Municipio Lautem.
Entretanto; Grupu Cominitario nebe Simu ona Treinamento no Equipamento sira , atu bele Utilija ho diak , nune`e Actividades Grupu nian bele la`o ho Sustentavel.
Jornalista ;Evaristo Lopes
Editor ;Nascimento Provincial
