RCL VP NEWS 07/10/2021
Maske Implemenentasaun Programa Merenda Escolar iha Municipio Lautem ba Periodu Fulan Julho – Setembro Remata ona maibe , Parte Eskola Sida`uk rona Informasaun Husi Responsavel Merenda Escolar iha Municipio Lautem kona ba Kontinuasaun Husi Programa ida ne`e.
Coordenador Ensino Bazico Filial Numeru 2 Lospalos Saturnino de Castru nebe jornalista RCL hasoru iha nia servisu fatin Quarta ne’e hateten katak , Eskola nebe nia Chefia ne`e Konklui ona Programa Merenda Eskolar ba Periodu Fulan Julho-Setembro Tinan ida ne`e nian , maibe nia Parte Sida`uk Rona Informasaun kona ba Periodu Outubro to`o Dejembro tinan ida ne`e , tamba Desijaun ida ne`e nudar Desijaun Ministerio nian .
‘’ Lala`ok Merenda Eskolar iha Eskola ne`e la`o diak , hahu husi Inisio to`o Setembro dia Trinta Remata ona , maibe nia Kontinuasaun ne`e Ami sei hein hela Informasaun husi Servisu Edukasaun Municipal , Municipio Lautem nian , e Hau mos Hein hela , no Wainhira mak Kontinua mos hau lahatene ida , Foin dada`uk ne`e Implementa ona Periodu Fulan 3 Nian Julho-Setembro no ami Sei hein hela Informasaun kona ba nia Kontinuasaun ‘’ Declara Coordenador Ensino Bazico Filial Numeru 2 Lospalos nebe jornalista RCL hasoru iha nia servisu fatin Quarta Feira 7/10/2021ne’e .
Hatan ba kestaun ne’e Responsavel Merenda Eskolar Municipio Lautem Angelo Lopes , Implementasaun Programa Merenda Eskolar ba Periodu Julho to`o Setembro Remata ona , maibe sei iha Kontinuasaun ba Periodu Outubro too Novembro Tinan ida ne`e , no ba dada`un ne`e Finansa Municipio Lautem mos hahu Prosesu Transferensia Orsamento Merenda Escolar ba kada Eskola ida-ida nia Konta Bankaria .
‘’ Merenda Eskolar ba Periodu Julho-Setembro Remata ona , no Sei iha Kontinuasaun ba Outubro Novembro , no ba dada`un ne`e Finansa Municipio Lautem mos hahu Prosesu Transferensia Orsamento Merenda Escolar ba kada Eskola ida-ida nia Konta Bankaria no komesa husi loron seggunda feira 11/10/2021 semana oin kada escola bele halo Ona Levantamento hodi ejekuta ba programa merenda escolar hanesan bai-bain ‘’ Informa Responsavel Merenda Eskolar Municipio Lautem Angelo Lopes.
Entertantu orsamento ba programa merenda escolar ba escolar bazico no pre-escolar iha munisipio lautem ho montante hamutuk Dolares Americano Rihun Atus Ida Ne`en nolu resin Tolu . Atus Lima Sia nolu resin Ida ($ 163,591.00) no sumario incentivu ba fornesidor ba ensino bazico no pre-escolar iha fula outubro novenbro tinan ida e’e ho montante hamutuk Dolares Americano Rihun Sanolu resin Tolu Atus Rua ($ 13,200).
