RCL VP News 27/10/2021
Servisu Sa`ude Municipio Lautem Husu ba Povu hotu-hotu iha Municipio Lautem , atu labele Fiar Hoaks ga Informasaun Falsu nebe Ema Espaila liu husi Sosial Media iha Periodu Covid-19 kona ba Vasinasaun nian , maibe Tengki Rona de`it Informasaun husi Profesional Sa`ude no Perito Sa`ude nian atu bele Asesu ba Vasinasaun Covid-19 , tamba ho Vasinasaun sei fo Vantagen mai ita , liu-liu iha Parte Imunidade nian.
Apelu ida ne`e hato`o Husi Director Servisu Municipio Sa`ude ga SMS Municipio Lautem , Anatasio da Cruz ba Jornalista RCL iha nia Kna`ar fatin Quarta Feira 27/10/2021 Ne`e .
Director ne`e mos nafatin Husu ba Comunidade Sira atu , labele fiar Informasaun Falsu kona ba Vasinasaun Covid-19 nian maibe hakbesik A`an ba Posto Imunijasaun nebe Esabele ona iha Fatin hotu iha Municipio Lautem , hodi bele Asesu ba Vasinasaun , tamba ho Vasinasaun mak Ultimo Bala Musan nebe Kontra Covid-19 nian .
Director SMS ne`e mos husu ba Comunidade Sira atu kopera ho Equipa Vasinasaun nebe karik Vijita Ita nia Uma atu halo Vasinasaun hodi Hetan Vasinasaun , nune`e Municipio Lautem bele atinji Targeto nebe Ministerio Sa`ude Hatu`un mai .
‘’ Hau husu ba Komunidade nebe durante ne`e terlanjur konsumu ona Informasaun falsu nebe ema espailha liu husi Media Sosial , Terlefone kona ba Vasinasaun nia A`at , atu laika Fiar ida ne`e , diak liu hakbesik A`an ba Postu Imunijasaun ou karik Equipa Vasinasaun ba to`o imi nia Uma karik bele kopera para ita bele atinji Ita nia Kobertura , tamba Informasaun nebe ita nia Comunidade sira Rona ne`e lalos , maibe karik Hetan Informasaun husi Ministerio Sa`ude ou Profesional Sa`ude sira mak hato`o kona ba Vasinasaun nian ne`e imi bele fiar no Halo tuir , tamba ho Vasinasaun sei fo vantagen ba Ita nia Moris liu-liu iha area Imunidade nian ‘’ Tenik Director Servisu Municipio Sa`ude ga SMS Municipio Lautem , Anatasio da Cruz ba Jornalista RCL iha nia Kna`ar fatin Quarta Feira 27/10/2021 Ne`e .
Entretanto; Servisu Sa`ude Municipio Lautem kontinua hamutuk ho Governante sira husi Nasional hala`o Kampanya Nasional no halo Dialogu ho Komunidade hodi Informa kona ba Vantagen husi Vasinasaun ne`e rasik , nune`e Povu sira labele fia demais Informasaun Falsu nebe ema inresponsabilidade espaila liu husi Media Sosial .
