RCL VP NEWS 05/11/2021
Cruz Vermeila Timor Leste ga CVTL Filial Municipio Lautem , Kontinua Dejamina Informasaun kona ba Importansia husi Vasinasaun Covid-19 ba Komunidade Sira , liu husi Kopersauan Servisu ho Equipa Prevensaun no Mitigasaun Covid-19 iha Municipio Lautem husi Inisio Vasinasaun to`o agora .
Cordinador CVTL Filial Lautem , Luis Manuel ba Jornalista RCL iha Nia Kna`ar fatin Sexta Feira 05/11/2021 ne`e hateten katak , Objetivo husi Dejaminasaun Informasaun ne`e , atu Motiva no enkoraja Comunidade Sira atu bele Partisipa iha Programa Vasinasaun Covid-19 nebe durante ne`e la`o iha Nasaun Timor Leste inklui Municipio Lautem .
Luis Manuel Pereira mos hateten katak , Programa Dejaminasaun Informasaun ne`e CVTL Hala`o ona iha Posto Posto 5 Iha Municipio Lautem , no iha Fulan Kotuk Equipa CVTL Hala`o iha Posto Administrativo Iliomar .
“Aktividades kona ba Desiminasaun Informasaun Covid-19 nian, ita nia Voluntario sira halo hela iha Fulan Outubro nia laran ,ita tama ona Postu Iliomar, entaun iha neba sira kobre iha Suku 3 mak hanesan Suku Fuat, Suku Iliomar segundu no mos Suku Ailabere. Desiminasaun Informasaun ne’e ita sei halo nafatin , iha Novembro ne’e mos ita sei kontinua fahe nafatin informasaun to’o iha Dezembro, iniso de Dezembro hau hanoin ita bele remata ona , agora dadauk ita nia staff programa sei halo hela nia planu atu bela hare area ne’ebe seidauk Kobre , entaun ita ba fahe informasaun la’os deit Covid-19 nian maibe ita mos fahe informasaun kona ba oinsa komunidade sira bele partisipa iha vaksinasaun Covid-19 nian,” dehan Cordinador CVTL Filial Lautem , Luis Manuel ba Jornalista RCL iha Nia Kna`ar fatin Sexta Feira 05/11/2021 ne`e
Cordinador CVTL filial Lautem Municipiu Lautem ne’e mos informa tan katak, aktividades desiminasaun refere CVTL filial Lautem , Municipiu lautem hetan apoio fundus husi Ministerio Saude ho montante orsamentu rihun ida atus lima dollares amerikano ( $ 1500.00).
“ Aktividades fahe informasaun ida ne’e , CVTL husi Filial Municipiu Lautem hetan orsamento husi Ministerio da saude, sira apiou orsamentu oituan hodi fasilita no suporta Aktividades Desiminasaun Informasaun Iha Municipio ida ne`e , hahu husi Fulan Agosto no sei Remata iha Fulan Dejembro Tinan ida ne`e , no total Orsamento hamutuk $ 1500,” Luis Manuel Informa Akrecenta.
Entertantu : Programa Dejaminasaun Informasaun kona ba Vasinasaun Covid-19 iha Municipio Lautem ne`e , atu Konsensialija no Enkoraja Komunidade sira nia hanoin atu tau Importansia ba Vasinasaun Covid-19 , tamba ho Vasinasaun mak bele hasa`e ita ema nia Imunidade hodi hasoru Virus hirak nebe tama iha ita nia Isin Lolon .
Jornalista:ito
Editor:Nascimento Provincial
