Lospalos [RCL Vox Populy] – Tuir Planu tinan neé, Diresaun Nasional Transporte Terrestre Munisípiu Laútem Municipal Transporte Terestre [DNTT] Municipiu Laútem, sei instala sistema karta Kondusaun original, hodi produs karta kondusaun iha Municipiu neé tamba durante neé kliente barak sei uza karta kondusaun Provijóriu.
Xefe DNTT Munisípiu Laútem Edy Korea Lemos ba RCL Vox Populy iha nia knaár fatin, segunda-feira [10012022] semana neé hateten, utilizasaun karta kondusaun Provizoriu laos akontese ba utentes transporte públiku no privadu iha munisípiu Laútem, maibe akontese mos iha munisípiu seluk.
Ministériu Transporte iha ona planu hodi instala sistema iha kada Munisípiu inkliu Munisípiu Laútem hodi bele produs karta kondusaun original , Nia esplika tan, planu neé sei implementa iha tinan neé.
“Konaba karata lisensa kondusaun Provizoriu ne’e Ita bele dehan teritorio nasional infrenta ida ne’e, foin lalais mos ami Iha tinan 2021 ami nafatin hato’o Ba iha diresaun nasional no ministerio Atu hare’e asuntu ida ne’e Maibe tuir informasaun nebe ita simu katak Ministeriu ho diresaun nasional Iha ona planu para monta sistema ida Ita nia Municipiu Lautem, wainhira Sistema Hirak ne’e monta ona iha diresaun municipal Sira, Karta kondusaun sira ita bele rejolve no Bele produs original Rasik iha Municipiu no Planu hirak ne’e sei implementa iha tinan ida ne’e nia laran,” hateten Diretór DNTT Laútem.
Iha tinan 2022, DNTT Laútem simu aplikante hamutuk 624, no husi númeru neébe passa iha ezame eskrita, oral no pratika hamutk atus lima resin, no sei kontinua fo oportunidade ba aplikante sira seluk neébe seidauk hetan karta kondusaun.
Nia iha esperansa atu implementa planu hirak neé hodi fo satisfasaun ba utilizador transporte públiku no privadu iha Munisípiu Laútem , Aliende neé, DTTT Laútem mos hatama reseita ba kofre Estadu Hamutuk $ 52.426.00 dollares Amerikanu durante tinan 2021 , Reseita hirak neé mai husi Registrasaun, trata dokumentus Linsensa Trânzitu, Lisensa Ou karta Kondusaun no Inspesaun nian , Iha periódu tinan 2021, DNTT Laútem mos regista kliente sira neéebe trata dokumentus kareta no motor hamutuk 4201.
” Husi Registu Ninian ne’e Hanesan ba Troka naran, pedidu de sapa Foun,sapa Lakon ne’e hamutuk 522 pessoas, Lisensa Tranzitu 237 Pessoas, Karta Kondusaun hamutuk 811 no inspesaun hamutuk 2631 pessoas,” Edy Lemos esplika.
Entretanto ; Servisu Diresaun Municipal Transporte Terestre Municipiu Laútem sei kontinua atende komunidade sira neébe trata dokumentus transporte públiku.
Jornalista: Ito
Editór : Zem-Kasar
