Lospalos RCL VOX POPULY = Xèfe Farmàsia Centru Sa`ude Internamento Lospalos Segunda feira ne`e 09/05/2022 iha nia Kna`ar fatin rèlata , Hahu husi Janèiru to’o Maio tinan ida ne’e ,Centru Sa`ude Internamentu CSI Lospalos , infrenta problema menus aimoruk , maibe servisu atendimentu Sa`ude la`o nafatin .
Xèfe Farmasia centru saude Lospalos Aziña Maria Ximenes mos afirma , hahu husi fulan Janèiru to`o mai Maiu ne`e CSI Lospalos , hahu menus aimoruk , nune`e CSI , nune`e Pasiente sira obrigadu tengki sosa iha Apotik hodi kura sira nia moras liu husi receita nebe profesional Sa`ude sira fò .
‘’Aimoruk balun iha CSI ne`e stok Out , hahu husi Janeiru to`o agora , maibe la sknifika aimoruk hotu laiha , mais balun sei iha mais balun laiha ona , ne`e duni kuandu pasiente sira mai ho moras isin katar no aimoruk esensial balun laiha , ami tengki halo receita ba pasiente hodi buka no sosa iha apotik sira nebe iha nune`e bele kura sira nia moras , kuaze fulan 5 ona aimoruk iha CSI stok out , maibe la impede ami nia atendimentu ba ita komunidade sira nebe presija atendimenu sa`ude iha CSI ida ne`e . Afirma Xèfe Farmasia centru saude Lospalos Aziña Maria Ximenes ba Jornalista RCL Segunda feira ne`e 09/05/2022 iha nia Kna`ar fatin.
Xèfe farmasia ne’e mos deklara , Aimoruk Stok out ne`e la`os akontese de`it iha CSI Lospalos de`it maibe akontese mos iha Nivel Nasional , ne`e duni Pedidu nebe halo ba Nasional nafatin laiha resposta.
‘’Hahu husi Janèiru to`o agora , hau halo nafatin pedidu ba Nasional , maibe Aimoruk Stok out iha nivel Nasional , nune`e pedidu nebe ami hato`o ne`e laiha rejultadu diak ,maibe fo de`it aimoruk balun de`it , maibe aimoruk esensial balun stok out hotu ,ida ne`e mak realidade nebe ita hasoru , maibe ami nia atendimento ba pasiente sira kontinua la`o nafatin. ’’ dehan nia
Iha fatin diferente Responsavèl Farmasia Servisu Municipal Saude Munisipio Lautem , Constantino dos Santos hateten , realidade iha periodu trimester primeiro too agora nee , aimoruk nebe aloka ba kada aitem hamutuk lima nolu mak staok aut no husi aimorok stok aut hamutuk lima nolu nee husi total aitem aimoruk hamutuk atus rua nen nolu rua ho nunee stok out aimoruk iha sms munisipio lautem hamutuk porsentu sanolu resin sia (19%).
Nia mos informa , aimoruk hirak nebe mak stok out mak hanesan aimoruk ba inan isin rua , aimoruk hipertensi , sirup amusilin no aimoruk sira seluk tan.
‘’Hau hakarak dehan de`it katak realidade iha SMS munisipio lautem durante iha primero periode ka QI husi fulan janero too fulan marsu too agora ita stok aut, maijumenus 50 aitem mak estok aut no husi aimorok stok aut 50 nee husi total aitem aimoruk 262 nebe nia persesentange nee hamutuk 19 aitem mak estok aut , iha primiro periodu nee , ita mòs iha solusaun nebe atu rejolve amirok hirak nebe stock out nee , ita mos hetan orsamentu oituan maibe iha tinan kotuk iha per Q1 nee ita hetan fundos munisipio nian nee hamutuk 480 dolar per Q1 maibe ba tinan ida nee per Q1 ita hetan deit 125 dolar no husi orsamentu ida nee , ami bele uja hodi hola fali aimoruk ituan iha apotik privado iha nasional mak foin ami bele aloka fali ba kada postu saude iha munisipio lautem .‘’ Informa Responsavèl Farmasia SMS Munisipio Lautem , Constantino dos Santos iha nia Kna`ar fatin .
Governu liu husi Ministèriu Sa`ude tengki toma atensaun ba situasaun ida ne`e , Fasildades sa`ude sira labele fo asistensia sa`ude ho diak , wainhira Situasaun ida ne`e akontese ba bebe`ik , hodi Prejudika ba sistema atendimentu Sa`ude iha terenu .
JORNALISTA ; SILI
EDITOR ; NP
