Lospalos RCL VOX POPULY = Komando Polisia Nasional Timor Leste PNTL Municipiu Lautèm , hahu hala`o preparasaun Màximu ba serimonia loron Aniversariu restaurasaun Indepedensia Timor Leste , nebe sei monu iha loron 20 Maiu tinan ida ne`e , tamba loron ida ne`e hanesan loron halibur no haksolok Povu Timor , liu-liu iha Municipiu Lautèm .
Komandate Policia Munisipio Lautem Superintedente Policia Antonio Rego Fernandez , ba Jornalista RCL iha nia Servisu fatin segunda feira 09/05/2022 ne’e hateten , liu husi Serimonia Comemorasaun loron Aniversariu Restaurasaun Independensia timor Leste Nivel Municipiu Lautèm ba tinan ida ne`e sei selebra iha Postu Administrativu Luro , ne`e duni PNTL asegura nafatin loron ida ne`e ho seguransa màximu .
‘’Kona ba serimonia 20 de maio ninia klaru ke ita iha ona karta ida husi Administrasaun Munisipio hato’o halo preparasaun hodi apoia seguransa no apoia tan Membru PNTL ba serimonia Issàr no Arèar da Bandeira RDTL nian , tamba Comemorasaun 20 de Maiu ba tinan ida ne`e sei halo diferente ho dia nasional sira seluk ba tinan ida ne`e , tamba ita nia Prèzidente eleitu foun sei simu posse iha loron ida ne`e iha Kapital Nasaun nian , ne`e duni iha ita nia Munisipio Cerimonia refere sei hala`o iha Postu Administrativu Luro , nebe komesa ohin ita konsentrasaun ba iha posto Administrasaun Luro ninian , para ita bele halo preparasaun ba iha serimonia ida ne’e inklui mos ba seguransa nebe mak ita sei halo iha tempo ida ne’e’’ Hateten Komandate Policia Munisipio Lautem Superintedente Policia Antonio Rego Fernandes , ba Jornalista RCL iha nia Servisu fatin segunda feira 09/05/2022 ne’e.
Komandate mos hateten katak , Komandu PNTL Lautèm mòs fo Apoia màximu ba serimonia importante ida ne`e , liu husi Apoia Membru PNTL iha Equipa Issàr no arrear da Bandeira RDTL nomos apoia seguransa iha loron ida ne`e .
‘’Ita fò Apoia màximu seguransa iha Postu Administrativu Luru , tamba Postu ida ne`e mak nudar uma na`in ba Serimonia loron aniversariu Restaurasaun Indepedensia ba tinan ida ne`e , nune`e povu bele partisipa hodi komemora loron ida ne`e ho Pàz no estabilidade , nune`e mos Parte PNTL mos envolve direita iha Pàrada , tamba loro ida ne`e nudar loron importante ba povu no rai doben Timor Leste nian .’’ Hateten Fernandez.
Entertanto: Komandate polisia Munisipio Lautem Superintedente polisia mos husu nafatin ba povo rai doben iha Munisipio Lautem , hodi tau konsensia hamutuk hodi asegura situasaun hakmatèk , nune`e serimonia ida ne`e bele la`o ho trankuilidade.
JORNALISTA ; SdC
EDITOR ; NP
