LOSPALOS RCL VOX POPULY=RCHahu husi Loron Lima fulan Setembru to`o agora , Equipa Enumeradòr no Supervijor Sensus Uma kain no Populasaun iha Municipiu Lautèm Kobre ona Uma kain Rihun Walu Atus Rua (8.200) hodi rekoilha dadus Uma kain no familia .
Xèfe Estàtistika Municipiu Lautèm , Marfinu Pereira ba Jornalista RCL Iha nia Kna`ar fatin Segunda feira ne`e hateten , Programa Sensus Uma kain ba tinan ida ne`e hahu iha Loron Lima fulan Setembru no sei remata iha Fin de Setembru , ho Progresu servisu Uma kain Rihun Walu Atus Rua (8.200) mak Equipa Enumerdaor no Supervijor sira kobre ona .
‘’ kona ba progresu serviso sensus uma kain , no populasaun ne`ebè hala`o iha municipiu Lautèm hahu iha loron 5/09/2022 too agora nee, uma kain hamutuk 8200 mak hetan ona intervista husi Ekipa Enumerador no Supervijor sira nebe mak Destakadu iha Arèa Enumerasaun, kona ba nia porsentu Ami sedauk bele fo informasaun tamba sedauk Publika maibe Ami sei publika wainhira intervista kobre hotu ba uma kain hirak ne`ebe pertense iha munisipio lautem’’Dehan Chefi Statistika Munisipio Lautèm Marfino Pereira ba jornalista RCL iha Nia serviso fatin segunda feira 19/09/2022
Marfino mos hateten Ekipa Enumerador no Supervijor nebe destaka ona iha area Enumarasaun sira ne`e, serviso la`o ho diak tamba sira iha linha kordensaun nebe diak ,entre equipa sensus Nasional, local , lider komunitario no kordinadores Sensus ne`ebe mak destakado ona iha postu ne`en nebe pertense iha Munisipio lautèm.
‘’ Durante ami nia obeservasaun ba serviso ekipa Enumeradores no supervijor sira nebe destakado ona iha Area Enumarasaun sira nee ,sira serviso lao ho diak tamba sira iha linha kordenasaun nebe diak entre husi ekipa sensus nasional/local /liderkomunitario no kordinadores Sensus nebe mak destakado ona iha postu Administrativo 6 nebe pertense iha Munisipio lautèm.hateten Marfino Pereira.
Entertantu ;husu nafatin ba Ekipa Enumardores no Supervijor nebe destakado ona iha Area Enumerasaun sira, tenki mantein nafatin hodi serviso ho profesioanal nunee Dadaus Uma Kain bele Konkreto no sai diak liutan ba ita Nia Nasaun no husu mos ba komunidade sira atu iha konsesia hodi fo dadaus nebe los no justu ba ekipa Enumaradores no supervijor sira atu nunee governu bele serviso tuir dadus sira no bele halo planu nunee dadaus hirak nebe fo fantajen ba povu no Nasaun Timor leste
Jornalista:Erno
Editor:NP
