Lospalos RCL VOX POPULY 19-04-2023 = Ministèriu Justiça liu husi Programa Registu Movel iha tinan kotuk , Tersa feira ne`e hala`o serimonia Distribuisaun sertidaun Moris RDTL iha Salaun Administrasaun Municipiu Lautèm , ba ema na`in rihun Rua , Walu nolu resin Sia ba Postu Tolu (2089)mak hanesan , Postu Iliomar , Tutuala no Luro.
Diretòr Dirasaun Municipal Konservatòriu Registo Notariado Municipiu Lautèm Amandio Alves Gomes liu husi Abertura Distribuisaun ne`e relata , Ministèrio Justiça liu husi DirasaunMunicipal Servisu Registo Notariado Municipiu Lautèm , parseria ho UNICEF iha Timor Leste Husi konsege hala`o Programa Registo Mòvel iha Postu Tolu mak hanesan, Postu Iliomar Ema na`in rihun Ida Ha`at nolu resin Rua (1042) Postu Luro Atus Hitu Ha`at nolu resin Hitu (747) no ba Postu Tutuala hamutuk atus Tolu (300).
‘’ Bazea ba Servisu Registu Movel ne`ebe hala`o iha Postu Iliomar , Luro no Tutuala ita konsege Regista Ema nain 2089 , kompostu husi Postu Iliomar 1042 , Postu Luro 747 no ba Postu Tutuala hamutuk ema na`in 300 , no servisu ida sei la para iha ne`e , maibe iha kontinibilidade no sei kobre ba Postu Administartivu hotu , ho intensaun atu hakbesik Sistema Atensimento ba Komunidade sira iha Postu , Sucu no Aldeia , nune`e Na`in Administrador Postu sira labele laran taridu ho servisu ida ne`e , tamba dada`un ne`e ami nia Servisu Tama sai Sucu depende ba Proposta ne`ebe Lider Komunitariu sira hato`o , ami pronto atu atende maske ho Dejafiu ne`ebe ami hasoru durante , no dezafiu ida ne`e la hamate ami nia Espiritu Servisu ba oin.’’ Hateten Diretòr Dirasaun Municipal Konservatòriu Registo Notariado Municipiu Lautèm Amandio Alves Gomes liu husi Abertura Distribuisaun sertidaun Moris RDTL tersa 18/04/2023.
Iha fatin Hanesan Secretàriu Municipiu Lautèm Jacinto da Costa hateten , Sertidaun Moris RDTL ne`e nudar Dokumento Identidade ema ida nian , no sai Dokumento Legal ida ba sidadaun ida iha nasaun ida , nune`e Sertidaun moris RDTL Importante ba Sidadaun sira iha Nasaun Timor Leste.
‘’ Sertidaun Moris RDTL nudar Identidade ema ida nian , no Importante duni ba Nasaun hotu-hotu , nune`e nasaun hotu iha mundu ida ne`e preukupa hela sidada`un hotu – hotu nia identidade , Sertidaun Moris , BI no dokumento legal sira seluk importante , atu bele justifika ida-idak nia Gerasaun , nune`e Ministèriu Justica halo nota intendimentu ida ho Parseiru servisu sira hotu iha nasaun ida ne`e , atu atribui Identidade Povu nian iha nasaun ida ne`e , atu ita nia nasaun bele bele koñese nia ema liu husi Identidade Pessoal ida ne`e , ne`e duni ita hotu tengki kolabora malu hodi halo atendimento ne`ebe diak ba Povu no Nasaun Timor Leste.’’ Haten Secretàriu Municipiu Lautèm.
Entretanto; Serimonia Distribuisaun ida ne`e Akompaña ho distribuisaun Mata dalan Standarte Operasional Procedur (SOP) ba Liña Ministèrial , Konfisões Religioju , no religioja , Lider Komunitario no , atu nune`e bele ejekuta servisu atendimento ho diak liu tan.
Jorna;ista ; Sida
Editor ; NP
