Lospalos RCL VOX POPULY 21/04/2023 = Organijasaun Arte Marsial OAM hanesan Persaudara`An Setia Hati Terate (PSHT) , Kmanek Oan Rai Klaran (KORK) iha Municipiu Lautèm , hamutuk ho Arte Marsial no Ritual sira seluk , atu Kria Pàs no Estabilidade hodi garante Prosesu to`o iha Loron Elisaun ne`ebe sei akontese iha Timor Leste ba tinan ida ne`e .
Kòrdinador geral Kmanek Oan Rai Klaran KORK Munisipiu Lautèm , Denizio Soares liu husi Programa Talk Show iha Radio Lospalos Sexta feira ne`e hateten , Pàs no Estabilidade mak sai Xàve ba Dezenvolvimento Nasaun Democratiku ida ne`e , nune`e KORK kompremitidu atu Kria Pàs no Estabilidade iha Periodu Kampaña Elitoral to`o ba loron Elisaun Parlamentar iha Timor Leste.
‘’KORK lori Misaun ho Vijaun ida atu Lori Pàs no Estabilidade , ne`e duni KORK Kompremitidu atu Kontribui ba Pàs no Estabilidade , tamba ida ne`e nùdar Xàve ba Dezenvolvimento Nasaun nian , nune`e KORK ho nia Membru tomak komprimitidu atu Kria Pàs no Estabilidade iha Periodu Kampaña Elitoral to`o ba loron Elisaun Parlamentar iha Timor Leste , nune`e Ema hotu livre hodi Ejerse nia Votu iha loron Elisaun nian.’’ Kòrdinador geral Kmanek Oan Rai Klaran KORK Munisipiu Lautèm , Denizio Soares Sèsta 21/04/2023.
Iha fatin hanesan , Cordinador Comisaun Ejekutivu Persaudara`an Setia Hati Terate (PSHT) Municipiu Lautèm Agustino dos Santos husu ba Membru Àrte Marsial PSHT no Juventude sira tomak iha Municipiu Lautèm , atu hamutuk kolabora malu hodi kria Estabilidade no Pàs iha ita nia rai Lautèm iha Àmbitu Elisaun Parlamentar , tamba Elisaun ida ne`e hanesan Fatòr determinasaun ba Dezenvolvimento Nasaun nian,.
‘’ Iha àmbitu Elisaun Parlamentar ne`ebe sei akontese iha loron 21 Fulan Maio 2023 ne`e , hodi fò espasu livre ba Ema hotu iha Nasaun Demokartiku ida ne`e atu Ejerse sira nia Direito ne`e , hau hanoin ita hotu Organijasaun Arte Marsial no Ritual iha Munisipiu Lautèm , ita tengki hamutuk , kolabora malu hodi Kria Pàs no Estabilidade iha Nasaun hodi garante ba Prosesu Elisaun husi Inisiu to`o remata ho Susesu no iha Trankuilu nia laran.’’ Hateten Agustino dos Santos .
Alende ne`e Cordinador Kera Sakti Filial Lautèm , Albinu Albuquerque hateten , Pàs no Estabilidade , hanesan Situasaun ou kondisaun ida ne`ebe ema hotu hakarak , hodi moris tuir Dinamika moris nian , nune`e Pàs no Estabilidade ne`e importante liu ba Ema hotu , nune`e ita presija Kria iha Ambiente ne`ebe de`it , nune`e ema hotu bele livre hala`o sira nia servisu.
‘’ Atu hateten de`it katak , Pàs no Estabilidade hanesan Situasaun ba Kondisaun ida ne`ebe ema hotu hakarak hodi livre , hala`o sira nia moris lor-loron nian , nune`e Pàs no Estabilidade nudar Xàve ida , atu lori Ema hotu Hakmatek no Livre , Entaun hau atu dehan katak , Estabilidade ne`e konseitu ida ne`ebe alargadu no akomoda buat barak , hahu husi rai laran nune`e Arte Marsial no ritual hotu-hotu , hamutuk ho Povu no Entidades Estadu , atu tau hanoin hamutuk , hodi kria Pàs no Estabilidade , tamba laiha Pàs sei laiha Dezenvolvimento , Nune`e hau husu ba Hau nia Membru tomak iha Municipiu ida ne`e atu hakmatek , no labele provoka situasaun iha ambitu Elisaun Parlamentar nian , no kontinua hamutuk hodi Garante Pàs no Estabilidade hodi kontribui ba Dezenvolvimento rai laran. Tenik Albino
Entretanto ; Ema hotu tengki hamutuk , hodi Hametin Unidade hodi Kontribui ba Pàs no Estabilidade iha , Prosesu tomak ba Elisaun Parlaentar nian , tamba Elisaun Parlamentar hanesan Elisaun Popular BA Povu atu bele Ejerse sira nia direito ho Direita , Secreta no Livre .
Jornalista ; SdC
Editor ; NP
