LOSPALOS RCL VOX POPULY 26/04/2023 = Maske ho Mudansa Kalendaria Ezame nian , maibe Ensinu Secundaria Geral Lere Anan Timor ESG LAT Lospalos , ho Alunu hamutuk Rihun Ida , Ida (1001) Partisipa iha Ezame Primeiro Periodu nian , tamba ida ne`e hanesan Avaliasaun kada Eskola nian ba Alunus sira kada fulan Tolu nian.
Diretòr ESG LAT Lospalos , Selestinu Soares ba Jornalista RCL Iha nia Kna`ar fatin Quarta feira ne`e hateten , Lolos Ejame Segundu Periodu remata ona , iha Semana kotuk , maibe tamba kestaun balun , nune`e Ezame ne`e foin hala`o iha Loron Sanolu resin Hitu Fulan Abril rihun Rua , Rua nolu resin Tolu (17/04/2023) .
Nia mòs hateten , maske Mosu kestaun iha Periodu Ejame nian , maibe Alunus sira iha Eskola refere kontinua tuir Partisipa iha Ezame Primeiro Periodu nian , tamba Eskola ne`e rasik implementa ezame bazea ba orientasaun husi nivel Superior sira .
‘’Lolos tuir Kalendaria Edukasaun nian , Prosesu Ejame Primeiru Peiodu realija iha Loron 10/04/2023 , maibe tamba iha Kestaun balun , nune`e Ezame ida ne`e hafoin realija iha Loron 17-18-19 no loron 20 Feriadu ba Fenomena Eclipse Solar , no loron 21 Loron feriadu Idul Fitri nian , no 22 toleransia de Pontu , nune`e Prosesu Ezame hafoin la`o hikas iha loron 24 / 04 / 2023 no remata iha Quarta feira 26/04/2023 ne`e , ho ida ne`e maka halo ami Manorin sira konfujaun ba kriasaun planu Eskola nian , maibe tamba mudansa lubuk ida ne`ebe iha , ami Parte eskola mos sei hein hela Orientasaun husi Suoerior sira nune`e ami bele trasa tuir Planu Eskola nian . Ami nia Alunus ne`ebe partisipa iha Ejame Primeiru ne`e hamutuk na`in 1001, maibe ami sei hare hikas Nùmeru Alunus iha Ezame Segundu Periodu nian , sei nafatin ga Menus husi Nùmeru ne`ebe mak ami relata . Ami Depois de Ezame Eskola ne`e sei feriadu peridika no sei kontinua hikas Aula Aprendijajen iha loron 2/05/2023. ’’ hateten Diretòr ESG LAT Lospalos , Selestinu Soares ba Jornalista RCL Iha nia Kna`ar fatin Quarta 26/04/2023.
Nia deklara , ho Mudansa Orario Ezame ne`e , Manorin sira iha Eskola refere tau kestaun , maibe Eskola refere konsege Normalija no kontinua hodi ejekuta servisu tuir orientasaun .
‘’Ami iha Nivel Bazè ne`e servisu tuir Kalendario ne`ebe iha , maibe tamba Mudansa ne`e mak halo ami mos Konfujaun , dala ruma Manorin sira tau kestaun kona ba loron ezame ne`e , dala ruma Alunu sira mòs la dun kontente ba Mudansa Loron Ezame ne`e , maibe tamba Futuru labarik sira nian , Pasensi nafatin simu realidade ne`ebe iha , mais ami nia Eskola ne`e nafatin Kumpri Orden husi Ministèrio no Dirasaun Munisipal , tamba ami nudar Ejekutador.’’ Nia deklara.
Entretantu; Prosesu Ezame iha Ensinu Secundaria Geral Lere Anan Timor Lospalos ne`e la`o ho hakmatek , tamba alunus sira kontinua kumpri regras eskola nian , no tuir Ezame ho Disiplina, maske ho mudansa loron Ezame nian.
Jornalista;Aci
Editor;NP
