Soru Lospalos RCL Vox Populy 25/05/2023 = Komunidade Aldeia Ò`omukanu , Suku Soru Postu Administrativu Lospalos , Munisipiu Lautèm Kestiona kona ba Projètu Konstrusaun Eletrifikasaun iha Area refere , tamba Kompañia ida mak manan Ona Tender , maibe to`o agora sida`uk implementa .
Komunidade ida iha Aldeia Ò`omukanu , Arlindo Paicheko ba Jornalista RCL iha nia Rejidensia Oòmukanu , Quarta feira ne`e hateten , durante tinan Rua nolu liu , Komunidade iha area refere , la asesu Eletrisidade , nune`e Eletrisidade sai Problema Bo`ot Komunidade iha area refere .
Nia mos hateten tan , ikus-ikus ne`e Komunidade sira rona katak , Kompañia ida mak manan ona tender hodi Implementa Projèto Eletrifikasaun iha Aldeia refere , maibe sira sida`uk hatene wainhira los mak Implementa konstrusaun ida ne`e , atu nune`e bele fò Netik naroman ba Komunidade sira.
‘’Durante tinan 20 resin , Ami Komunidade iha Aldeia ida ne`e , kontinua moris iha nakukun laran , tamba laiha Liña Eletrisidade ne`ebe tama , Ikus-ikus ne`e ami akompaña Informasaun liu husi Media katak , Kompañia Deiroma Contraction Unpessoal Lda Manan ona tender no Asina ona Kontratu , maibe to`o agora sida`uk Implementa nia servisu to`o agora , ida ne`e halo ami Konfujaun , keta halo ba Lohi ami Povu sira karik , tamba uluk mos dehan atu halo , maibe ikus mai la realija , ho nune`e ma kami Povu Kestiona.’’ Dehan Arlindo Paicheko ba Jornalista RCL iha nia Rejidensia Oòmukanu , Quarta 24/05/2023
Husi Sorin Seluk Filipina da Costa mos sente Triste tamba hahu husi Ukun An to`o agora , sira kontinua halerik ba Naroman Eletrisidade , ne`eduni Husu ba Governu atu bele hare Netik Problema ne`ebe sira infrenta , tamba ho Eletrisidade mak Xàve ba Dezenvolvimentu Ekonomia Povu nian.
‘’Ami Komunidade iha Aldeia Ò`omukanu , Suku Soru ne`e durante ukun Àn to`o agora , ami nungka asesu Energia Eletrisidade iha ami nia Aldeia , nune`e ami kontinua moris iha nakukun laran , Ami Povu nudar mos sidadaun Timor Leste nian , ami mos hakarak moris iha Naroman Ahi Eletrisidade , maibe koitadu , to`o agora mòs Liña Eletrisidade to`o agora la tama iha ami nia Aldeia ida ne`e durante tinan 20 resin , nune`e ami Husu ba Governu atu bele hare Netik Problema ne`ebe sira infrenta , tamba ho Eletrisidade mak Xàve ba Dezenvolvimentu Ekonomia Povu nian.’’ Hateten Filipina.
Alende ne`e , Jenilda Leni da Costa mos hateten , Problema Eletrisidade ne`e sai hanesan Problema bo`ot ba Komunidade iha Area refere durante tinan Rua nolu resin , ne`e dunia mi husu ba Estadu atu bele tau matan ba Ami nia Aldeia hodi bele hatama Liña Eletrisidade ba Aldeia refere , tamba naroman eletrisidade importante ba ami nia moris , liu-liu ba labarik estudante sira.
‘’Durante ne`e ami kontinua , halerik ba Ahi Eletrisidade , tamba durante tinan 20 liu , Ami Komunidade la hetan Naroman Eletrisidade , tamba to`o agora Liña Eletrisidade sida`uk tama iha ami nia Aldeia , ba Ami Naroman Ahi Eletrisidade Importante liu ba ami nia moris , liu-liu ba labarik estudante sira , hau sente ida ne`e mak ami nia Problema ne`ebe durante ne`e ami infrenta no kontinua halerik , ne`eduni Hau husu ba Bo`ot sira , liu-liu ba Kompañia ne`ebe mak manan ona Tender , hare Implementa ona Projètu ida ne`e , atu nune`e ami mos bele Asesu ba Naroman Ahi Eletrisidade , tamba ami nia Aldeia durante ne`e nafatin nakukun.’’ Jenilda haktuir.
Hatan ba Questaun ida ne`e , Diretòr Kompañia Deiroma Contruction Unpessoal Lda Josè dos Santos Laletek Deklara , Kompãnia Refere hahu Prosesa ona Material Konstrusaun husi Nasaun Vijiño Indonesia , no dada`un ne`e Material refere iha Ona Portu Dili , nune`e husu ba Komunidade tomak atu pasensia hein Prosesu ida ne`e .
‘’Hau Komprende Problema Komunidade nian kona ba Eletrisidade , Hau nia Kompañia maka manan ona tender ba Projètu Konstrusaun Eletrifikasaun iha Aldeia Ò`omukanu no Sorulùa , Suku Soru Posto Lospalos nian , hau mòs asina ona kontratu Projeto no Komunidade sira mos asina ona karta aseitasaun , nune`e ba dada`un ne`e hau sei Prosesa hela Material Konstrusaun sira , tamba material hotu-hotu ita ba hola hotu iha Nasaun Vijiño sira , no agora material hirak ne`e iha ona Portu Dili , no hein Prosesu Selu tassa no tula mai , wainhira transporta mai ona , Konstrusaun ida ne`e mòs hahu ona , ne`ebe hau husu ba Komunidade sira , atu bele Pasensia hodi hein , tamba buat ki`ik bo`ot tengki liu husi Prosesu , maibe hau garante katak Komunidade Aldeia 2 iha Suku Soru ne`e bele asesu ona Naroman Eletrisidade iha tinan ida ne`e nia laran.’’Deklara Diretòr Kompañia Deiroma Contruction Unpessoal Lda Josè dos Santos Laletek ba Jornalista RCL liu husi Via Telefònika Quarta 24/05/2023.
Entretanto;Aldeia Rua iha Suku Souro Posto Administrativu Lospalos , Munisipiu Lautèm kompostu husi Aldeia Ò`omukanu no Sorulùa , tuir planu sei asesu Naroman Eletrisidade iha Tinan ida ne`e , tamba Material Konstrusaun ba dada`un ne`e para tama ona iha Portu Dili , no Hein Transporta ba Fatin Destinasaun Projèto hodi Implementa . Syda
