Bauro Lospalos RCL VOX POPULY 01/06/2023 = Atu hetan Osan oituan hodi Sustenta Ekonomia Uma laran nian , Komunidade iha Aldeia Nanafoe , Suku Bauro Postu Lospalos , Munisìpiu Lautèm , Obrigado tengki Halibur Ai Sunu , hodi Fa`an iha Merkadu , iha kada Loron Sabadu ne`e sai hanesan Loron Bazar Postu Lospalos nian.
Komunidade ida ho Naran , Alsina dos Santos ba Jornalista RCL iha Aldeia Nanafoe Quinta feira ne`e hateten ,kada loron nia parte sempre hili Aimaran , halibur hamutuk hodi Transporta Merkadu Lospalos hodi Fa`an , ho Futun ida Dolar Americanu ida , ho nune`e bele sustenta familia nia nesesidade , liu-liu sustenta Oan sir aba Eskola .
Alsina mos konfesa katak , atu Sustenta Oan sira ba Eskola no Sustenta ekonomia Uma laran , nia Parte Desidi hala`o atìvidade Hili Ai maran no halibur hamutuk hodi ba Fa`an iha Merkadu , maibe kuandu sorti Diak , Ai sira ne`ebe sira tarnsporta ba Merkadu Folin diak maibe sorti Àt mòs sira fila ho Mamuk no lakon mòs Osan Transporte nian.
‘’kada loron Hau sempre ba hili Aimaran iha To`os , no lorin mai Uma no halibur hamutuk hein loron Bazar , hau transporta Merkadu Lospalos ho Transporte Pùbliku hodi Fa`an , ho Futun 1 ho folin $1.00 , ho nune`e hau bele sustenta familia nia nesesidade , liu-liu sustenta hau nia Oan sira ba Eskola , ho Ekonomia Uma laran ne`ebe la sufisiente Hau rasik Desidi atu hala`o hau nia Atìvidade, Hili Ai Maran hodi Fa`an,tamba fa`an ai bele hetan Netik osan Oituan , durante hau nia atividade ne`e , dala ruma fo rejultadu diak , konforme sorte deit , kuandu sorti diak , ai ne`ebe transport aba Merkadu Folin , Sorti Àt mai mòs ami gasta osan ba Selu kareta de`it, maibe ida ne`e ita pasensia , tamba moris mak nune`e ona .’’Hateten Alsina dos Santos ba Jornalista RCL iha Aldeia Nanafoe Quinta 01/06/2023.
Iha fatin hanesan , Asiu Viana mòs hateten , Komunidade iha Aldeia Nanafoe ida ne`e kuaje Fa`an hotu Aimaran , maibe wanhira laiha sorte , sira nia Ai ne`ebe transporta ba Merkadu la folin , maske He`in iha Merkadu to`o loron Rua ou liu.
‘’Ami Komunidade ne`ebe hela iha Aldeia ida ne`e kuaje , Fa`an Aimaran , husi Segunda to`o Kuarta ami hahu ba Hili Ai iha to`os , halibur hamutuk , Quinta Feira ami Transport aba Merkadu hodi hein to`o loron Sabadu , maibe kuadu ami nia Ai la folin , entaun ami fila ho liman mamuk , mais ami kontinua Esforsu para Hili nafatin ai maran , tamba buat depende ba Sorte de`it.’’ Dehan Asiu.
Entretantto; Komunidade Aldeia Nanafoe ho Uma kain Besik Atus Ida , ne`e barak mak Fa`an Ai maran , hodi Sustena ba Familia Uma laran nian , tamba ida ne`e mak sira nia Rendimentu ne`ebe Uniku ba Sira nia Moris.
Jornalista ; Sida
Editor ; NP
