Merkadu Lospalos RCL Vox Populy 20/07/2023 = Maske ho rendimentu Minimu , maibe la hamate Vendedór Ambulante ,kontinua Dudu Karosa Modo nian , fa`an haleu iha Vila Lospalos hodi Sustenta Economia Uma laran nian.
Vendedor Ambulante Adelino Soares ba Jornalista RCL iha Mercado Lospalos Quinta feira ne`e hateten , Nia Parte Fa`an Modo Haleu ne`e , La`os atu Manan Bo`ot , maibe Dudu Karosa Modo nian Haleu Vila Lospalos hodi Hetan Netik osan oituan hodi Sustena Nesesidade Familia Uma laran , no Sustenta Oan ba Eskola.
Adelino mòs afirma , Aktividade Negosiu ne`ebe nia Halo ne`e , hahu husi Tempu Kolonia Indonesia nian , to`o agora ho rendimentu Dolar Americanu Sanolu resin Ida ($15.00) kada loron , sorti diak bele hetan to`o Dolar Americanu Tolu nolu ($30.00)
‘’Hau Dudu karosa Modo nian Fa`an Haleu Vila Lospalos ne`e , la`os atu buka riku ga halo Uma mutin , maibe atu hetan Netik Osan Oituan , hodi Sustenta Nesesidade Familia , no Dudu Oan ba Eskola , hau nia rendimentu husi hau nia aktividade ne`e loron ida Máximu $15.00 maibe sorte diak , bele hetan to`o $30.00.Modo ne`ebe hau Fa`an ne`e hau nian rasik , mais tempu ida kuandu hau nia Laiha ona , hau bele Hola tutan husi Kolega no Fa`an tutan , Tamba saida mak hau hili Vendedor Ambulante , tamba kondisaun Merkadu klo`ot no laiha Espasu diak ba nia hodi bele tu`ur hakmatek hodi fa`an , nune`e hahu husu ba Governu , se bele karik , asleira lala`is Planu Konstrusaun merkadu Lospalos foun , atu bele fasilita ami nia aktividade Negosiu ho diak.’’ Hateten Adelino Soares ba Soares ba Jornalista RCL iha Mercado Lospalos Quinta 20/07/2023
Husi sorin seluk Vendedor husi Munisìpiu Baucau , Martiña Ximenes iha Merkadu Lospalos hateten , nia Parte hahu Fa`an nia Modo no Tomate iha merkadu Lospalos iha Loron Quarta to`o Sabadu ho rendimento Dolar Lima nolu to`o Ne`en nolu ($50-60.00) , ho rendimento ida ne`e bele sustenta Familia Uma laran nian.
Martiña mòs husu ba Governu , atu bele Kria Kondisaun Merkadu nian ho adekuadu , nune`e bele fasilita sira nia akatividade Negosiu nian , durante ne`e sira fa`an sira nia Modo no Tomate iha Odamatan Tama Merkadu nian , hodi prejudika Movimentu Transporte Públiku sira , tamba laiha fatin diak ba sira hodi bele fa`an sira nia sasan.
‘’Hau mai Husi Baucau fa`an Kleur ona iha Merkadu Lospalos , maske ami tur iha liur , tahan Udan no loron , maibe ami sempre kontinua la`o hodi sustenta netik ami nia Nesesidade , ami mai Fa`an iha Merkadu Lospalos ne`e hahu husi Loron Quarta to`o Sabadu ho rendimento Dolar Lima nolu to`o Ne`en nolu ($50-60.00) , ho rendimento ida ne`e bele sustenta Familia Uma laran nian. Ami mòs husu ba Governu , atu bele Kria Kondisaun Merkadu nian ho diak , nune`e bele fasilita sira nia akatividade Negosiu nian , durante ne`e sira fa`an sira nia Modo no Tomate iha Odamatan Tama Merkadu nian , hodi prejudika Movimentu Transporte Públiku sira , tamba laiha fatin diak ba sira hodi bele fa`an sira nia sasan.’’ Hateten Martiña
Entretanto;Komunidade sira hahu iha Konsiensia hodi kontinua sira nia Roda Ekonomia , liu husi Atividade Negosiu nian , maske ho Rendimentu ki`ik , maibe kontinua hala`o , tamba lakoi atu dependente ba Estadu ga ema ruma , Familia ida sei la Sustenta nesesdidade familia ida seluk.
Jornalista ; Silyno
Editor ; NP
